Thursday, February 11, 2010

اختلاف الذوق

اختلاف الذوق
أسوأ شئ عندنا هو إن الذوق واحد
تخيل ٨٠ مليون بني آدم بيحبوا نفس الشئ و بيشجعوا الأهلي و بياكلوا نفس الأكل.
لو واحد فتح محل مثلاً لبيع الحبوب و نجح بالظبط تاني يوم هتلاقي واحد طلع زي الخازوق فتح محل حبوب تاني و تالت و رابع و عاشر لغاية أما تجارة الحبوب اللي كانت بتكسب تخسر و برضة ما فيش فايدة هتلاقي حمار برضة راخر يفتحلك محل حبوب.
بص على الصيدليات أي واحد بشخة بيفتح صيدلية دلوقتي في أي حتة.
دا البنت اللي في كلية صيدلة بتتباع دلوقتي زي الداموسة لا مؤاخذة و ابوها بيشترط المهر عالحمار اللي جاي يشيل.
أعرف واحدة شبه عبد الفتاح الجريني كدة و جوزها شبة ألان ديلوم بالظبط و الواد كان هيتجوز لو كلبة بس معاها كلية صيدلة.
أول ما عرفها قالك بس لقيت لقية و المصيبة صورة الفرح بتاعهم تبص تلاقي الواد نضيف و متسرح و جنبه واحد غريب كدة شبه هولاكو و ياريت عاجبها دا دلوقتي بتقولك مهندس اية و بتاع اية دا انا كان جايلي عرسان طوابير طوابير و لا طوابير الأنابيب.
الواحد من كتر الصيدليات في مصر خايف يخش الحمام يلاقي صيدلية في المجاري بعد كدة.
و في حاجة تانية برضه في الذوق العام في حكاية الأسواق و المولات في القاهرة خصوصاً
و المحلات المشهورة برضة كدة.
يعني في التسعينيات كان الحرية مول أول مول فتح و كان ملغم نسوان و شباب و حريم و كل شئ دا كان ايام زمان طبعاً.
بعد كدة جنينة مول و السراج مول فتحوا تقريباً مع بعض.
كنت تلاقي الحريم تجري من السراج لجنينة دواليك دواليك كدة.
و الحرية مول طبعاً اتنفخ بس كان في شوية ملتزمين بيروحوا زيي كدة لسة بيشموا عبق التاريخ في المول.
و أخيراً جه الفشيخ ابن الفشيخة ( سيتي ستارز) الفاشخ لما سبق و الناسف لجميع المولات القديمة.
مازال سيتي ستارز فشيخاً و بضيناً و ملياناً على عين أمه بس مرحلة سيتي ستارز بضان لأن العملية شخت و الناس بجد بقت ..... على رأي واحدة بتاكل في جراند كافيه المعادي .... خلاص سيتي ستارز بقى سنكوح آخر حاجة يا بيبي......
قال أنا بيبي قال ..... عالم بنت جزمة صحيح. هعهعهعهع
و لا الماركت الكبير كركور دة اللي كل ما تكلم حد يقولك هتلاقي في كركور أقوله كركور مين ياعم. يقولي يا أخي كركور بتاع المعادي باين أنا عارف.
بلد مولات صحيح. و ماركتات كمان بس ... هه.

7 comments:

rami said...

و أخيراً جه الفشيخ ابن الفشيخة ( سيتي ستارز) الفاشخ لما سبق و الناسف لجميع المولات القديمة.

:D
انت عليك تعبيرات مشكله!

كارفور ده جامد جدا ايه اللي مش عاجبك فيه!..بس تعرف المول ده استثمار كويس والزبون هو المستفيد في النهايه ..عن نفسي احب لما انزل اشتري حاجه اروح المول بالاضافه الي ان فيه جانب ترفيهي


بالمناسبه ..عايزين نشوف الصيادله بتوع زمان
http://www.youtube.com/watch?v=ouN4Ywybhjs
:D

تحياتي ياكبير

mohamed hassan said...

يا رامي انتا مسحت رقم تليفونك من عالفيس بوك ابقى ابعتهولي لاني
مش عارف اتصل عليك انا كنت معتمد على رلرقم في الفيس بوك
بس انتا مسحته
و شكراً يا باشا
تحياتي

بـن سـيـنـاء said...

هو انت ع الفيس بوء اسمك ايه و لا نجيبك ازاي يا سيدنا

rami said...

لا يا محمد باشا مامسحتوش ..بس انا كنت لاغي الاكونت مؤقتا كده وده السبب...عموما انا فتحته تاني وسوري علي الازعاج واهلا باتصالك في اي وقت

سلام

mohamed hassan said...

عماد باشا
حضرتك لما اتكلمنا امبارح عن اضافتك ليا على الفيس بوء
و انا اكون سعيد جداً لو ضفتني
تحياتي يا باشا

mohamed hassan said...

ماشي يا رامي باشا
انا هاضيف الرقم و مش هاعتمد عالفيس بوك تاني تحياتي يا ريس
اتمنى تكون في احسن حال
تحياتي

فارس عبدالفتاح said...

http://fawares.blogspot.com/2010_02_14_archive.html#5906097665991582417