Monday, March 16, 2009

البؤساء

لسة في مود اكتئاب ابن كلب
العيال كلهم اصحابي اتجوزوا و كلهم كبروا فجأة في السن ٠
ليا واحد صاحبي بقي عنده تلات عيال٠
إزاي بس
انا لسة فاكر ايام ما كنا في ثانوي و إعدادي و حتي الابتدائي
لسة فاكر المدرسين و الصحاب و الشوارع و المصروف٠
لسة فاكر بقلظ و مازنجر٠
هل كدة الواحد خلاص يعني شوية و يلاقي نفسه بقى جد
و عيال صغيرة بتقوله يا عم الحاج٠
مش معقولة انا مش عاوز اكبر
الله يخرب بيتكم٠
مش ممكن الواحد بجد يعيد اللعبة من الاول٠
و بعدين انا عاوز ايام سعيدة بقى مش معقولة
كله ضرب ضرب ما فيش شتيمة يعني٠
لو الواحد يقدر يختار عيلته و المكان اللي يتولد فيه
كنت زماني باضربكوا بالجزم دلوقتي ٠
يالا الحمد لله ادينا عدينا ظروف صعبة كتير
و ربنا برضه كرمنا في حاجات اكتر بكتير
مما كنا نتصور٠
بس برضه لو الواحد مولود لناس اكابر يعني كان زمان كل الدنيا مفتوحة لية
بدل ما هي بتديه بالجزمة كدة٠
بصراحة انا كل ما اشوف حد من المولودين بام الحظ دة
يجيلي عقدة بنت ستين كلب٠
قابلت مرة بت شغالة في سفارة من سفارات مصر٠
يابويا على الغباء الدولي
يعني ان شاء الله مصر
هتحارب هتحارب
لو البت دي فتحت بقها في اي لقاء دولي٠
يعني الواحد لو كان اتولد ابن ناس مهمة دلوقتي
مش كان زماني ما باعجزش.... و رايق.... و المزز موجودة في كل مكان
و ابقى اكبر عبقري في الدنيا .......
و الناس كلها تقول عليا انسان جميل.....
و مش ممكن و كدة يعني٠
يعني انا دلوقتي هاعجز..... و ابقى جزمة......
و لا حد خد باله اني موجود ٠
حتي لما حاولت اكلم المشاهير ولاد الجزمة
و اعمل معاهم علاقات ما استحملتش...
و لساني كان بيفلت بالحقيقة....
و هزاري و تريقتي عليهم
كرهتهم في اللي جابوني٠
الظاهر هافضل جزمة طول عمري ولا اية٠?
المهم انا صريح و خلاص
و عايش بالحقيقة..... و باقول اللي انا عاوزة ٠٠٠٠٠ بس
٠

No comments: