Wednesday, January 27, 2010

The Great iPad



14 comments:

Anonymous said...

ناس بتخترع و بتتعب و بتستمتع بالحياة

و ناس عاوزة تستمتع بالحياة من غير تعب

و شغلهم الشاغل لعيب الكورة

و الخيبة الي بالويبة و الصرع الي بيصيب الناس بعد كل مباراة

و كأننا لا سمح الله صعدنا للمريخ

rami said...

لا تمام ..مش عارف انا شوفت حاجه زي كده وانقح منها وبتقول بابا وماما كمان وعلي بطنها تنور ..علي ظهرها تنورو علي ..ولابلاش...مش عارف التكنولوجيا في الاتجاه ده مش بتبهرني..

المهم بقي أيه رأيك في عم ستيف بتاع البريزينتاشن ده غير فكري في موضوع اللبس خالص...الراجل لابس جينز ومن غير حزام وحاجه تصعب عليك يعني وعايز ينزل لمستوي العامه ويصاحبهم وتلاقيه صاحب الشركه ..بس دي سياسه اكيد

mohamed hassan said...

ما هي دي المصيبة
و لو كلمت نفس الناس في كتاب و لا حاجة جديدة طلعت
او في حاجة بجد تستاهل الكلام
ما حدش بيحاول يفهمك
كنت باحاول اكلم واحد في الجهاز دة و لا فهم اي حاجة
حاجة تنقط

mohamed hassan said...

يا رامي
الجهاز دة ميزته انه بيقعد عشر ساعات في شحنة واحدة
و تجربة النت عليه هتبقى جديدة و أنا بصراحة من غير اي كلام
معجب بأبل و منتجاتها
و على فكرة جوبس لسة عامل عملية نقل كبد من ست شهور يعني لسة في فترة النقاهة
بس مش شايف انه متواضع و لبسه مبهدل بس انا معجب بفكر الراجل دة جداً
راجل مخترع بجد زي افلام الكارتون بتاعة عبقرينو

rami said...

يامحمد باشا انا بقول كده من غلبي لاني ببساطه مش هقدر أشتري جهاز زي ده فتلاقيني منفسن منه

انا كان نفسي في لاب توب ابل بس الاسعار بنت جزمه نار ومحسوبك مأشفر اليومين دول وفي بدلات متأخره وكده يعني
:D

ياه فكرتني بعبقرينو ...بس مافيش مخترعين ..هما مبتكرين
طيب هسألك سؤال انت عارف مين مخترع الفلاش ميموري او مخترع الديفيدي او مخترع الاي فون..طبعا لأ ..لانها اشباه اختراعات ..حاجات بضان من الاخر

rami said...

كل كأس امم افرقيه وانت بخير

mohamed hassan said...

لا يا رامي الجهاز دا نازل رخيص
يعني بحوالي تلات الآف جنيه يعني تمن كمبيوتر عادي
بس الميزة انه وزنه خفيف و سريع عالنت
و كمان قارئ كتب ممتاز
غير الفيديو و المزيكا و الاتصال بالنت عن طريق الثري جي لو
الجهاز فيه الامكانية دي
و كمان اعتقد لو نزل عن طريق شركات الاتصالات هيبقى رخيص جداً
بالقسط زي الآي فون
عموماً مع الوقت سعره هيبقى رخيص
و بالنسبة لدورة افريقيا
كل كاس افريقي و انتا بخير
و مبروك يا عم لمصر و لو اني زي ما انتا عارف ماليش في
الكورة دي خالص نوهائي

Anonymous said...

ستيف جوبز ذلك العملاق الذي أهدانا الماكنتوش من أبل و يضع الإقتصاد الأمريكي يده علي قلبه لو أصاب قلب ستيف جوبز أي وعكة صحية مثل ما حدث مؤخرا

لقد صنع هذا الرجل من أبل وحش قادر علي منافسة ميكروسوفت

نعم هو نظير بيل جيتس لكن تستطيع ان مشكلته أنه كلاس نوع ما موش بلدي
فالكل يعرف أسعار أجهزة الماكنتوش و ابل و افون و ايبود

ببساطة نظام الماكنتوش لايعرف الفيروسات و لا التروجانات تقريبا تلك الطفيليات التي تصيب انظمة الويندوز و سبب في استرزاق مجموعة النصابين اصحاب شركات مكافحة الفيروسات و الهكرز

ستيف جوبز ايضا هو الذي احتضن مشروع جون لاسيتر الشهير الممتع الراائع جدا بيكسار
نعم ستيف جوبز الرئيس التنفيذؤي لأبل اشتري بيكسار و ضخ مبلغ 10 ملايين دولار لهؤلاء العباقرة في تلك الشركة الصغيرة كي تنجح جدا

إذن عزيزي رامي لا تتعجب من بساطته

rami said...

في الحقيقه انا مكنتش اعرف ان الراجل جامد كده...جهل بعيد عنكم

خليني اختلف معاك ياعماد في نقطه الفيروسات والتروجنات ..هوه نظام ماك لا يعرف الفيروسات مش بمزاجه ...ببساطه لانه نظام معمول لشريحه معينه من المستخدمين مش للمستخدم العادي وبالتالي مش منتشر كويندوز ..الامر ده او السبب ده بالذات هوه اللي خلي ويندوز هدف رقم 1 ويقع فريسه سهله في ايد المبرمجين والهاكرز بتحقيق أكبر كم من الخسائر عن طريق الفيروسات

يعني لو جهاز مع عدد محدود من الناس ...المبرمج ليه هيتعب نفسه في انه يطلع ثغره فيه او حتي يفيرس دين امه..بالتأكيد هو
dosnt give a shit
اما في حاله الويندوز ..فالحياه حلوه

mohamed hassan said...

هو فعلاً موضوع الفيروسات دة منتشرة عالويندوز لأنه هو البرنامج العام
للبشر كلها
بس أنا كل ما أبص عالتليفزيون ألاقي أي مصصم مشهور
أو راجل بيشتغل في مجال جامد تلاقيه بيشتغل بالماك برو و بيعمل عليه كل شغله
فالظاهر إن الماك فعلاً جهاز جامد بس برضة في اوروبا غالي جداً
يعني تقدر تشتري تلات كمبيوترات بتمن ماك معفن عادي
و كمبيوترات جامدة كمان اللي تشتريها
الماك برو هنا لسة غالي جداً بالنسبة لجهاز كمبيوتر
بس الناس مبسوطة و بتشتري
عادي بقى

Anonymous said...

رامي بك

أيوا أنا معاك
حتي لو راجعت كلامي فوق هتلاقيني بقول ان ستيف جوبز مخلي ابل و ماك كلاس يعني لفئة معينة و ما تعبوش روحهم انهم ينزلوا للناس البسيطة

خد بالك كلامي بتاع الناس البسيطة دا متعلق بالسعر ليس أكثر فسعر الماك مرتفع جدا و أقل جهاز من الماك كلابتوب و هو ماك بوك سعره حوالي 8 الاف جنية مصري

انما من حيث سهولة الاستخدام و مرونة البرنامج فالماك متفوق

النقطة التانية ان نظام الماك بيعتمد علي نواة زي اليونيكس زي اللينوكس كدا فبرضه معصلج مع الفيروسات


الدليل ان اغلب السيرفرات و البنوك لا تعتمد علي انظمة ميكروسوفت الهشة و تستبدلها بلينوكس

بالاضافة الي ان زي ما محمد قال كل المحترفين خصوصا خصوصا المصممين بتوع الجرافيك بيستخدموا ماك و دا معروف جدا في وسط المصممين

ابل اسهمها ارتفعت منذ فترة و السبب هو نظام فيستا الفاشل بمعني الكلمة و تحول عدد كبير من المستخدمين لابل بدلا من ميكروسوفت

و كانت هتكون مصيبة علي ميكروسوفت لولا انهم لحقوا روحهم و نزلوا بويندوز 7 بدري بدري قبل ما يغرقوا


انا استخدمت زيفتا و كرهني في حياتي
و كنت علي وشك التحويل للماك لولا ان الويندوز سفن اعادني لقواعدي سالما و حقن القرشين في جيبي

عشان كدا هكرر كلامك

مع الويندوز .. الحياة حلوة

rami said...

يامحمد ..علي فكره انت ممكن تشتغل علي نظام ماك من
pc
عادي دلوقتي والنسخه اسمها
Mac OSX Snow Leopard
لو مهتم ..شوف ده
http://bramjnet.com/vb3/showthread.php?t=998452

عماد باشا..واضح انك علي اطلاع جامد بالسوفت وير ..بالنسبه للهاردوير بقي ايه الاخبار؟
اصل بقالي فتره بجمع جهاز ومحتار مابين انتل او
AMD
وبعدين قولت اعمل زي ماكل الناس بتعمل واشتري انتل وبصراحه فيه موديلات كتير
core2due
core2quad
corei5
corei7
وكل واحد من دول ليه كذا فيرجين

يعني لوعندك تجميعه جامده في حدود 3500 للجهاز بالكامل من غير مونتور قولهالي ..علما بأن شغلي عباره عن تشغيل اكتر من كذا
Vmware
في نفس الوقت وده بياخد رامات كتير جدا ومحتاج بروسيسور قوي ...بس في نفس الوقت مش محتاج كارت شاشه يعني البلت ان مع البورده يكفي

mohamed hassan said...

رامي
اعتقد ان الماك هو الماك
بس الواحد حرام يدفع
مبالغ كبيرة زي كدة
بس انا مستني وعد أبل إنهم هيرخصوا الجهاز
و كمان الآي باد دة هيوفر وقت كبير جداً
تخيل لحظياً تفتح عالنت و مش محتاج تستنى خمس عشر دقايق
و تقعد تروح و تيجي على ما الجهاز يفتح
و كمان جهاز خفيف تمشي بيه في اي حتة
و عشر ساعات شغل
و حاجة آخر حلاوة بجد

Unknown said...

الناس قاتلين ماك تريقه
http://forum.anothersite.co.uk/sfw-pictures/225769-apple-products-2.html

علي فكره موقع
anothersite.co.uk
لذيذ جدا ..تبقي خد لك لفه فيه هيعجبك