Sunday, December 13, 2009

إيران و الغباء و الدهولة المصرية

مقارنة بين إيران و مصر من حيث الأوضاع تجد أن مصر بحكومتها و حكامها الكثيرون الذين لا نعرف من هم الآن؟
تجد مصر دولة مهترئة تعادي حتى محيطها الطبيعي ( الجزائر كحالة حقيقية).
بينما تجد دولة كأيران تمتد حتى حدود إسرائيل بمعاونة حلفائها و حتى لبنان و سوريا.
إيران لا لغة و لا تقبّل لها داخل محيط العرب لكنها تنتشر و تكسب أرضاً كل يوم.
حينما كان أحد المشجعين المصريين يجري داخل السودان و لما دخل أحد البيوت السودانية و أنقذه أصحاب البيت أستوقفه أحد أهالي البيت و سأله : تتذكر مصطفى محمود؟!
طبعاً كان المشجع على الفور يرد بأنه عالمنا الكبير مصطفى محمود و قد توفي في ذلك الوقت تقريباً.
الذي لم يدركه المشجع رغم صمت السوداني أن الرجل كان يقصد الفضيحة التي حدثت عندما ضربت قواتنا السودانيين المرابطين حول المقر الفاشل للأمم المتحدة بميدان مصطفى محمود سعياً لمخرج أو لجوء سياسي لأي دولة ما و قد قتل في ذلك الهجوم عديد من البشر و مات أطفال و رجال.
هكذا عدنا لنقول أخوتنا و أهلنا بينما الجار الحقيقي لا يطلب أكثر من حقه و إلا يكون إنسان بجح و ما عندوش دم.
و طالبنا السودانيين بنسيان أن الجزائريين أيضاً إخوة لهم بس عشان أحنا عاوزين نغلب و يا ريت في حاجة عدلة إلا وكسة و ماتش خرة كورة.
دعك من الكرة قل لي بالله عليك سمعت حد من مسئولينا سأل في الصومال رغم إن هي مسئولية مباشرة لينا بسبب قناة السويس و لازم نأمّن طريق السفن عن طريقها؟
سيبك من دي سمعت عن النيل أهو إبراهيم عيسى صوته إتنبح يقولهم منابع النيل يا جدعان و لا حد حتى عبّره.
بس فالحين يرشحوا لليوفسكو و يسقط و يرجع يرمي ورا لا مؤاخذة ..... ط .. ضهره مشيها ضهره.
أوروبا و علاقتنا بقت خرة و لا بيعبرونّا لإننا بصراحة بضان لا بنهش و لا بننش مالناش لازمة في الجزمة.
أمريكا هي الهابلة الوحيدة اللي معانا زي ما تقول أخوّة حتى النهاية بس هي مروقانا برضة إشي رحلات و إشي ترفيه للباشوات الصغننين و أهو كله تضييع لأم البلد عشان الصغنتوتة إسرائيل.
و الله أنا شايف إن من كتر الضياع ما عدش له لزوم الدلع بتاع أمريكا و إسرائيل دة هما يقولوا عاوزين إيه و هما زي الخدامين هينفذوا و خلاص.
و أهو توفير للفلوس للأمريكان المواطنين.
و هكذا نتيجة الواسطة و أهل الثقة إشربوا بقى
تحياتي

5 comments:

فارس عبدالفتاح said...

صدفة فإنقلاب فثورة فتحرير فحكومة فبضان

اهههههههههه

اخر نكته اسمعتها

المهم والله العظيم انا افتكرت موضوع السودانيين اللى ضربوهم ورشوهم بالمية وعمل فيهم اللي ما يتعمل وهما يعيني كانوا لاجئين مش لاقين حته يرحوها

وسعتها فاكر ايضا ان الاخوة الافاضل وعلى راسهم رئيس العصابة قال انه لان يسمح لاحد ان يتجمهر او بمعنى ادق ( يفرض امر واقع ) المهم انهم عملوا فيهم كتير


لغاية اني بعدها سمعت عن هجرت بعض السودانيين والاثيوبيين الى اسرائيل مثل بعض المصريين

فكنت اقول الناس اللى راحت اسرائيل مضطرة يعني هيعمل ايه انسان عايز يعيش عيشة حتى ولو مش محترمة المهم يعيش

وبعدين اقول لا .. اروح أى حته الا اسرائيل ... وبعدين اقول .. طيب هما لقيوا حد من العرب او المسلمين فتحلهم درعاته غير اسرائيل .. بس طيب الناس دي هتعمل ايه

واخير جهل مصر وعربي الى ابعد مدى لم ارى اجهل من ذاك الشعب

الماركسيين الثوريين كانوا يعولوا على وعي الجماهير للثورة واقاموا نظرية وقاعدة للثورة ولكن من الواضح انه لا توجد جماهير حتى يوجد وعي او قائد او محرض او ثورة من اساسة والانقلاب اصبح في ملفات التاريخ يعني هنترفع هنترفع

فارس عبدالفتاح said...

عفواً

نسيت موضوع ايران واظن انت عارف مثلي او اكثر ايه اللي بتعمله ايران من اجل ان ترضي العرب وبالاخص مصر

ناقص تبوس على طيازهم عشان حتى يقفوا جنبها او حتى يبطلوا يهاجموها او يساعدوا الاميركان في حصارها

حاجه في منتهى الغباء اللى في الدنيا ان الواحد يقف مع عدوه ضد جاره

فعلا امر مش قادر افهمة حتى مع اننها عملاء بالوكالة لاسرائيل واميركا


فيه مساحة حتى بالمخابرات اننا نقول لايران اننا معاك او احنى بنشجعك او حتى سعدينا في اي تكنولوجيا او تقنية احنا عيزينا

اخر خبر سمعته على قناة روسية اليوم انه كان هناك سباق للمخترعين الايرانيين الشباب لسيارات كهربائية وبالماء وغير ذلك

وقد علق الكثير من العلماء الغربيين ان هذه المسابقة وهؤلاء المخترعين لا يقلون في درجتهم عن المخترعين الغربيين

mohamed hassan said...

فارس باشا
التنظير الثوري للحركات الوطنية دة أنا مش فاهمه قوي
لأن الناس عندنا حصلت على المكاسب من الثورة ببلاش
الناس مفكّرة إن الثورة ما عملتش لهم حاجة
بينما تاريخهم يشهد إن إحنا كنا هنفضل متليطين في الطين
و بنتعالج من البلهارسيا و نموت و احنا خدامين للمحتلين
لولا ثورة يوليو ما كناش هنتعلم
أي نعم كل مكتسبات الثورة ضاعت بس مش ذنب ناصر إن
الشعب أهبل و ضيع حاجته بايديه
عموماً اللي حصل حصل
مصر راحت في داهية و الحمدلله
تحياتي

mohamed hassan said...

فارس باشا
يا عم فين احنا و ايران فين
دي دولة بيتعمل لها حساب
دولة مؤثرة في اللي حواليها
دولة بتسعى للتفوق في التسليح
دولة عارفة عدوها مين
دولة بتنمو بجد و حق و حقيقي
دولة فيها ديمقراطية
دولة فيها خارجية
دولة مواطنين
مش دولة لا مؤاخذة معر..ين
دولة ما فيهاش مبارك و لا سرور و لا الشريف
تبقى دولة هتنجح و ليها مستقبل
تحياتي

ميدو البرنس شاهين اللول said...

لا بنهش و لا بننش مالناش لازمة في الجزمة صدقت يا رجل و الله صدقت يا رجل