Sunday, March 18, 2007

مدونة وشوشات

هي المشكلة في اللبن ؟
خدي عندك
- اللبن النيدو المصري مضاف اليه دقيق- عن تجربة عملية - خصوصا البتاع الصغير بتاعو ابو جنيه وربع.- عصير المانجو اللي ف محلات العصير 70% منه مش ليه علاقه بالمانجو اصلا..ده قرع عسلي - بمرأي العين -وسلامي للحاج فرغلي-اللانشون والبسطرمة (اللي المفروض مكتوب عليها لحم بقي خالص حلال) - مفيهاش ريحة اللحمة اصلا دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري - تحياتي للحاج صلاح والمعلم عبفتاح-..

- انواع الهامبورجر المنتشره ف السوق(عدا نوعين تلاته) كوكتيل من البهارات وماده جيلاتينيه بتبقي مبطنة لجلد الحيوانات بعد الذبح وبتتباع من المسلخ الطن منها ب250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع ب10 جنيه
الصحة تقفل المصنع ( او بير السلم) وصاحبه يلبس قضية غش تجاري محترم ياخد ف الاخر حكم غرامة ب10 الاف جنيه او حبس سنه ..وغالبا بيدفع الغرامة ويخرج يأجر بير سلم تاني وتبدأ عجلة العمل من جديد.

- علب الزيت ال1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه ف عربيات بتنك زي بتاعه اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها ف زجاجات - مستعملة مسبقا ومجموعه من الزبالين ومعاد غسلها بالمية والصابون- وبتعبي يدويا بقمع بلاستيك وتتبرشم بمكنه برشمه تمنها 3 الاف جنيه .. وبيع يامعلم
الزجاجة البلاستيك من الزبالين .. الدسته بجنيه .. طن زيت مستخدم الكيلو بيتاخد من المطعم ب25 قرش .. قمع بلاستيك قولي 10 = 5 جنيه .. وماكينة برشمه ب3 الاف بالكتير
تكسبي في الطن 2000 جنيه مستريح جدا.. ويتحرق اللي بيشترو بجاز - مش نضيف زي الزيت اللي اشتروه-

- الحلاوة الطحينية الي ف المحلات .. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلا .. عليها دقيق وفورمالين عشان تمسك نفسها اصل الدولار بقي غالي فالسمسم غالي والزبون المصري عاوز الارخص مش الانضف

- فلاتر ميه الشرب..بتفلتر الطعم (عبر ازاله الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل-سلام كبير اوي لفلاتر تانك-

-سمك المزارع السمكية..بياكل دم ومخلفات عمليات الذبح عشان يكبر بسرعه

-فراخ المزارع..من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعه فراخ امريكانا اللي ف برج العرب اللي بتورد الفراخ لمطاعمهم ..اول مره ف حياتي اشوف فرخه وزنها 4كيلو ونص كان هناك..ومش بتعرف تمشي.. وعندها حاجه من الجنب كده بالتدقيق اكتشفت انها (مشروع جناح)

-طلمبة البنزين ال92 وال95 في البنزينات دلوقتي..الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز ال92 من ال95

- محلات الحلويات الي بتبيع الحلويات للشرقية بالسمن البلدي .. ولابلدي ولانيله دي معموله بسمنه صناعي وعليها مكسبات طعم زي اللي بيستخدموها ف المصانع


-الجبنة الرومي القديمة.. مش قديمة ولانيله هم يعني هيعتقوها عشان حضرتك تستمعي ويركنها ف المخزن 6 شهور؟
بيضيفو هيدروكلوريد اسيد تركيز 30 % ..عشره لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان ..- اكياس البلاستيك : اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) مجموعه من الزبالين بردو وبيتم تسيحهم في افران وسحبهم علي شكل رولات تاني .. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية(حقن - سرنجات - كانيولا - فلاتر - اكياس دم مستعمله - قساطر بوليه مستعمله ..)- عبوات مياه معدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله - حتي مفيش عنوان للمصدر علي عبوات القزايز-
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قررو يجمعوها ف تانكات ويعبوها ف قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟)

- صابون غسيل الوجة وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها

السادة بقي ضريبة المخدرات (طالما بنتكلم عن الغش التجاريباعتبارهم مستهلكين هم كمان):
- الحشيش..مش حشيش ولاحاجه ده عجينة من الحنا واللبان الدكر ونسبه بسيطه لاتتجاوز .,4 من الكميه والزيت اللي ع الحشيش ده مش زيت دخ ماكستون فورت ..
في الاخر .. كلها اعشاب طبيعيه

- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق(عشان الريحة بس) ..اهي كلها نباتات

- البودرة..مش بودرة بردو..دي اقراص ريفو مطحونة ..كل 10 اقراص عليهم قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين) وقسم وبيع تذاكر يامعلم .. كلها ادوية صداع

انتهي كلامه أثابه الله و انتهى معه كل ثقة لي في اي حاحة في البلد دي.. اي حاجة اي حاجة.. حتى في نفسي