Thursday, April 30, 2009

حكومة ذكية فعلا

قالك انفلونزا اسمها انفلونزا الخنازير لانها تحورت داخل جسم الحيوانات لكنها الآن تنتقل بين البشر٠
نحن كصيادلة نقرر انه اعدام الخنازير لن يؤثر في عدد اصابات الناس بالانفلونزا السماة بانفلونزا الخنازير٠
ما هي اهمية قرار يظهرنا كاغبياء لا نفهم حتى ابسط قواعد الطب٠؟
يا جدعان دا فيروس بيتنقل من البشر دلوقتي٠٠٠٠ ارحموا نفسكوا و شوفوا اجراءات صحيحة تعملوها٠

Wednesday, April 29, 2009

الامن القومي

السنة اللي فاتت مجدي الجلاد كتب خبر او تحقيق عن شابين قابلوه٠
و سأل سؤال لكل شباب مصر:
قال لو مصر حاربت اي حرب يا ترى انت كمصري و شاب صغير هتحارب؟
و انا باسألكم اهو يا ترى هتحارب بس جاوبني بصراحة؟
يا ترى هتدافع عن مبارك و سوزان و ابنه جمال؟
و لا هتدافع عن مارينا و اهل مارينا؟
و لا هتدافع عن رؤوساء تحرير الصحف القومية؟
هتدافع عن فتحي سرور و صفوت الشريف؟
هتدافع عن اللي سرقوا الارض و سقعوها و كسبوا المليارات؟
ياتري خدت حقك في حياة و لا وظيفة و لا صحة و لا تعليم؟
طب شربت من نيلها
تعال معايا بقى نغنيلها٠٠٠٠
السؤال مرة تانية
هتحارب و تدافع عن اموال الحرامية و ترجع تنضرب بالجزمة و لا هتعمل اية؟
و يا حلاوة ام اسماعين في وسط عيالها

Monday, April 27, 2009

هل هي فعلا مباراة عادلة؟

باحب انا كل يوم اتفرج على البوم الصور بتاع )اليوم الساقع(
بصراحة بيبين بالضبط حقيقة البلد٠
افراح ولاد المسئولين و الكبار بتوع البلد٠
يا جدعان الفرح بيتكلف اكتر من نص مليون
ازاي واحد يصرف نص مليون في فرح؟
طب بلاش دي مش بيقولك محمود سعد بيحب الغلابة و كويس٠
اهو كان في اليوم الساقع عامل فرح لبنته اقل حاجة تلاتة مليون مستريح؟
طب و ولاد المسئولين دول يعني بصراحة شكل الحمير بس معاهم فلوس٠
طب يعني ينفع كدة يا جدعان انا و غيري يطلع ميتين ابونا و نتنفخ عشان القرش و ييجي واحد يصرف نص مليون كدة عشان ابوه مسئول في الدولة؟
طب هما تعبوا في الفلوس دي؟
يارب مش اعتراض على قدرك بس كدة بصراحة كتير
الناس ولاد الوسخة دول كرهونا في عيشتنا٠
باكلم واحد صاحبي بيقولي على واد صغير كان في شارعنا ابوه مستشار و الواد ده قمة الغباء ابوه عينه وكيل نيابة٠
و هيعمله فرح بملايين باين٠
طيب فين بقى انتقام ربنا من اللي بيعملوا الحاجات الوحشة و بيستغلوا نفوذهم؟
انا مش شايف غضب ربنا و انتقامه غير من ابونا احنا٠
كل خرابة يطلعلنا فيها عفريت٠
و كل حتة يطلعلنا فيها مصايب٠
انا خايف في يوم الواحد يتحول لشبشب من قلة الواسطة و المناصب٠
و النبي يا جدعان لو حد عنده حكاية عن حد ظالم و ربنا انتقم منه يبقى يقولها٠
لان انا بصراحة شايف اللي بيسرق سعيد و مساء الفرحة و الانبساط، و اللي بيعمل الغلط آخر حلاوة٠
و احنا عملنا الصح و ذاكرنا و طلع عينين اللي جابونا و دخلنا كليات كمة و اتعلمنا و سهرنا الليالي٠
و في الآخر لبسنا خازوق مغري تغرية بنت كلب٠
يارب رحمتك
٠

Sunday, April 26, 2009

سؤال فقهي

بصراحة انا مش عارف اقولها ازاي بس هو في فرق بين طبيب من مصر و طبيب مثلا صيني؟
ولا المفروض تبقى اخلاقيات الطب واحدة للناس و العالم كله٠
اصل في ناس بتكتب فقه الطبيب المسلم و فقه الصيدلي المسلم؟
يعني اية؟
و ايه الفرق بين طبيب مسلم و طبيب مش مسلم؟
و هل البشر مثلا مش زي بعض؟
هل في مثلا جسد بخلايا مسلمة مختلف عن جسد واحد بخلايا فاسقة؟
ممكن مثلا يكوت في دواء ملحد او دوا بالليل بعد ما تقفل الصيدلية بيروح يشرب خمرة و يصيع؟
مش فاهم انا شايف على العكس صيادلة و اطباء الغرب عندهم قيم و اخلاق في العمل اكتر مننا بكتير٠
فاذا خصصنا نفسنا كصيادلة مسلمين و مهندسين مسلمين و مش عارف اية مسلمين٠
هتبقى مسخرة بنت كلب و هيكتبونا في الكتب كمثال للحمير٠
هاقولكوا على مثال زغنن:
طبعا كلكوا عارفين دبي و نشاطها في تصنيع الدواء الغير مرخص و هي بتحاول تعمل زي الصين في تصنيع دوا لاي مصنع غير مرخص و عمليات التهريب٠
آخر فضيحة اخوانا في دبي عملوها في انتاج الدواء
انهم كانوا عاملين فياجرا و لما جينا نكشف اية الدوا اللي جواها تخيلوا يطلع اية؟
دوا للملاريا بيسبب اعراض جانبية بنت كلب٠
دا طبعا هو قمة التصنيع و تكنولوجيا الدوا اللي في الامارات٠
فضيحة تانية للامارات برضه
مصنع بيعمل دوا حموضة اكتشفوا انه بيتعبى بالكوز و شفاشق جربانة و دوا الحموضة دا فيه بكتريا هليكوباكتر اصلا اللي بتسبب حموضة مزمنة و مرضية و بتخف بصعوبة بنت قحبة دا غير انواع بكتريا تانية في نفس الدوا٠
ما اقدرش اقول غير انه لا يوجد هندسة مسلمة و هندسة كافرة و لا طب مسلم و طب فاسق٠
يا ريت بس نطبق المفاهيم الاساسية و خلاص
ارحمنا يارب٠

Friday, April 24, 2009

نظرة

الغرب بيبص لينا على اننا حمير و دي ممكن تكون حقيقة لحد ما٠
الشرق و باقصد بالشرق احنا عشان الباقيين مالهمش دعوة بينا بنبص للغرب على انهم حرامية و محتلين لنا٠
بين النظرتين العلاقات الانسانية مهمة و جميلة لما تكون صافية و فيها تقدير للشخص مش لاصله و لا ثقافته و لا لونه٠
في صداقات كويسة و ناس كويسة موجودة في الغرب٠
في الشرق الناس عينيها متغمية بخطابات الغرب الكافر و الكلام المعفن بتاع شيوخ الفتنة بتوع الايام دي٠
عشان كدة قليل جدا لما تلاقي واحد شرقي بيصاحب واحد غربي من غير ما بيفكر انه كافر و ابن وسخة و ابن زنى لان امه و ابوه كفرة٠
مش عارف طب هو كل العالم كفرة و ولاد زنى و كلاب ماعدا احنا؟
و كل الناس دي ما يعرفوش حاجة عن ربنا الا احنا؟
و كل الناس دي لا يساووا حياة بني آدم مننا؟
و كل الناس دي اللي هما خمس اسداس العالم ولاد ستين كلب الا احنا؟
طب لية ما نشوفش الناس بمنظار تاني؟
مش عارف باحس لية دايما ان احنا عنصريين

Thursday, April 23, 2009

الكاتب جلال عامر بالمصري اليوم

Uploaded by www.cellspin.net

كركرة مستمرة

حوار مع صديقي الجزمجي

لابس البلوفر الزيتي بتاع الجيش و قاعد 
على المكنة الكبيرة الخضرة بتاعة خياطة
الجلد في محلهم اللي ما يجيش تلاتة متر
في اتنين متر٠
دايما قاعد صديقنا حسان الجزمجي و دا من
عمري على فكرة بس هو اختصرها بدبلون
صنايع و قعد في محل ابوه بتاع تصليح
الجزم٠
مهنتهم قربت تختفي بس هو عنده تلات عيال
و لازم يشتغل و حسان عنده ذوق في الجزم و
مش اي جزمة تعجبه٠
كان دايما يتريق على - الجزم - اللي كنت
باحبهم ايام الجامعة و ايام ثانوي٠ رغم
اني باعتبر نفسي ذوقي عالي في الحاجات
دي٠
المهم دا كلامه و دا حواره
'يوه انتا فاكر يا محمد ان انا كنت عارف
ان الدنيا هتديني طيزها كده
انا كنت من عشر سنين اقل حاجة باعملها في
اليوم تمانين جنية و حياة النعمة دي
اياكش قلبي يتحرق و يولع زي السوجارة دي
اذا كنت باكدب٠
يوم ما اتجوزت مراتي دي كانت بتمشي في
الشارع كانت توقفه على رجل و كانت بنت
اصول مش بتاعة لوع و اخوك هو الوحيد اللي
ثبتها و ياما اتفسحنا على الكورنيش٠
يالا كانت ايام بنت اية في اللذيذ انا لو
عارف ما كنتش بصيت لجنس الحريم دة خالص٠
دلوقتي في الرايحة و الجاية بنت الوسخة
مكفراني٠
العيال عاوزين لبس العيال عاوزين يروحوا
المدرسة
كل يوم مساريف مساريف
اجيب منين يا عم و الله ما عارف
و الشغل ابن الوسخة مكفرني ما عدش في
زباين تقالي
و لا حتى حد عاوز يعمل جزم تفصيل زي زمان
مع اني باعمل جزم بنت حرام٠
انا اه باشرب الكيف عشان مش عارف استحمل
و بالهي نفسي فيه و هو قرش الحشيش بكام دا
بقى ارخص من البيبس٠
ناوي اعمل ايه؟
العمل عمل ربنا يا ياخدني يا ياخد العيال
و امهم٠
بتقولي اي خدمة:
هات عشرين جنيه يا محمد بيه ربنا يكرمك
نجيب بيها شوية بكر خيط للمكنة دي
انتهى

اتباع السادات

لكي تعرف البشر لابد ان تراهم في لحظات الغضب٠
هذا ما يعتمد عليه محللي الشخصيات الاذكياء
كثير من مدونينا يتشدقون بالديمقراطية و الحرية حتى اذا اصابه الشرر من دعاة الحرية انطلق كحمار هائج ليشتم هذا و يلعن ذلك٠
ثم ان كثير من اصحاب الرأي في مصر كما قلنا سابقا انه لولا جدب الارض اصلا لما ظهروا و ما كانوا٠
كثير منهم يتبعون آراء للوهلة الاولى تذهل ثم تصيبك الحيرة من هذه الطفولة السياسية الموجودة لديهم٠
لكنك تؤمن حينها انه مهما كان الانسان مشهورا و متعلما فلابد له من حصافة سياسية و عقل رزين و خاصة سياسيا حتى يدرك السئ من الجيد٠
انني اعيب على كل من يتبع آراء السادات رئيس مصر السابق لانه مهما كان منه فآرائه في كثير من الاحيان اصابت مصر بالتراجع٠
ثم انه كيف يتبع من دمر اصول مصر كثيرا و لولا كثير من التنازلات لما صرنا الى ما نحن فيه٠
عليك ان تعلم ان حسني يسير على درب السادات كموظف و لكن ينقصه الاداء المسرحي و كذلك الكاريزما٠
لا ارى خيرا في ايام السادات لمصر و هذا هو ما اراه٠
عبد الناصر مهما كان فعل ما هو خير و ابقى و كان حتى و لو ظاهريا يهتم بالغلابة٠
ليس لي آباء اقطاعيين حتى احزن و لكن اهلنا هم ملح الارض الذي تعلم و ظهر بوجود هذه الثورة حتى و ان انقلب حالها٠
كنا فلاحين و كان الباشا يقتل الفلاح و لا يدفع حتى تمن ديته٠
و على ايام ناصر اصبحنا مهندسين و اطباء٠
عموما للحديث سياسيا بقية الا ان متبعي السادات اقول لهم
انتم على خطأ

جهاز العروسين؟

هو اية المفروض العريس يجيبه في الزمن دة؟
و العروسة يا ترى بيندفع لها مهر و لا هي اللي بتدفع الايام دي؟
ممكن واحد يبقى جايب بابور و لحاف و سرير نحاس يتجوز و لا الطلبات ممكن تكون اكتر؟
الحقيقة غير مفهوم طمع الناس الايام دي؟
ممكن برضه تعملوها حملة على الفيس بوك
عودة الى الطبلية
ممكن نسميها كدة
انا بقى لما اجي اتجوز هاكرمها اخر كرم و هاجيبلها فوق الباجور
لندة جاز نمرة عشرة و كمان فوق البيعة هاجيبلها حصيرة من بتاع المحلة٠
اي خدمة يا ردالة٠
ما تنسوش حملة
العودة الي القصرية٠
لا مش القصرية قصدي الطبلية٠

حملة ما تعبرهمش

دا عنوان حملة المفروض نعملها على الفييز بوووك
المفروض اننا ما نعبرهمش لانهم مش حاسين بينا
بس المشكلة ان الحكومة هتفرح بحملة زي كدة٠
ممكن بس حملة ما تعبرهمش معناها اننا ما نعبرهمش في اي حاجة٠
ما تسمعش كلامهم و لا تفتح تليفيزيونهم
ما تكلمهمش لو قابلتهم
حملة ما تعبرهمش دي حملة هابلة

Wednesday, April 22, 2009

نظرة مهنية



من ناحية الصيدلة في بلدنا
و دا موضوع انا عارف انه ممكن يكون غريب شوية
بس كنت عاوز اتكلم فيه معلش٠
الصيدلة في مصر متأخرة جدا جدا
على الناحية العملية بطريقة تدعو للانفجار٠
اول هام :
يعني في بلاد ماو ماو
دلوقتي بقوا بيكتبوا روشتاتهم على الكومبيوتر
و بتبقى واضحة لان اي غلطة في الدوا دلوقتي
بتودي العيان ورا الشمس٠ دي طبعا تابعة
لنقابة الطباخين
اللي هما الاطباء
يعني فنرجوا ان هما يعتبروها اساسية في الشغل٠
تاني هام :
لما تيجي تبص على الخريجين و العدد طب دول هيروحوا فين يا جدعان؟
لا احد يعلم و لا احد يعرف؟
تالت هام :
الكومبيوتر في الصيدلية
و دا مش معناه انك جايب جهاز بيطلعلك السعر و الجرد للادوية و الكلام الفارغ دة بس


٠
المهم انه يكون متوصل بشبكة فيها بيانات المريض و روشتاته
و كيفية استعمال الدوا
و التداخلات الدوائية
و انك كصيدلي تقدر تجيب معلومات لو احتجتلها من على نظام موحد
لمصر كلها٠
رابع هام :
هيصة المخازن و الدوا و كل ما واحد يتزنق يطلعلك دوا ٠
دا في ادوية عشان وجع الحواجب و زغزغة ال .........لا مؤاخذة يعني٠
فين ام الدولة٠
تنظم الهيصة دي٠
مافيش طبعا٠
خامسا :
طبعا النقابة
النقابة اللي دورها
الرحلات ....و اتوبيسات العمرة....... و نصرة فلسطين٠
فياريت نشوف اخوانا من مصر الشقيقة
اللي يعني انتوا اصلا المفروض تخدموهم٠
النقابة عندنا الحقيقة بتقوم بدور هام جدا
و هو البضينة على الناس
و قاموا بحركة قفل الصيدليات اللي صدفة عملت صدى جامد في البلد
فدلوقتي مفكرين نفسهم ياما هنا و ياما هناك٠
سادسا
شكل الصيدلية و مكانها يا جدعان
مين ابن وسخة بيسمح بالموجودين دول كلهم؟
دا بقت اكتر من علب السمنة
الصيدليات في كل داهية دلوقتي٠
سابعا
ما فيش حل و الله انا شايف كدة انا لله و انا اليه راجعون
البقاء لله يا جماعة
ما نجيلكوش في دوا تاني

كلام في الطبيعي

Uploaded by www.cellspin.net

Tuesday, April 21, 2009

البحث عن تأشيرة

لا يعرف عذاب البحث عن تأشيرة الا من كابده٠

الا انه مثلا من حق الدول الا تعطي لرعايا دولة اخري تاشيرات٠
لكن في كل دول العالم موظفي السفارات من مواطني دول الدولة المضيفة للسفارة
بيتعاونوا مع اخوانهم للحصول على سفرية الى دولة السفارة٠
إلا موظفين السفارات المصريين
و هؤلاء هم من رأيت و في الحقيقة انهم ولاد ستين كلب٠
يتعاملون مع اخيهم الاتي الى السفارة كانه كلب اجرب ٠
رايت احدهم حينما حاول الحصول على تاشيرة لدولة اوروبية
الحقيقة اخوانه الموظفين المصريين في سفارة تلك الدولة
شمموه طيز العفريت
و ما خدش التاشيرة٠
و لكنه وفق لدولة اوروبية اخرى
و ما ان حصل على جنسيتها
حتى سارع الى القاهرة لينتقم من اخوانه في السفارة
و تسبب في رفت اثنان و ووقف للثالث و الحمد لله٠
السؤال هنا هو:
الموظفين بتوع السفارات المصريين اية مشكلتهم ?
و لية موظفي الدول الاخري زي تركيا مثلا
فاتحينها على البحري لاخوانهم
يروحوا اوروبا لما استعمروها خلاص٠
سؤال آخر:
هو انت لما اشتغلت في سفارة اوروبية بقيت اوروبي خلاص ما تاخدوا عبرة من
دول٠
بس خلاص

Monday, April 20, 2009

يوم عادي

الصراحة يا جماعة صدمتوني في التدوينات بالصوت٠
انا كنت مفكر عامل سبق صحفي و حركات٠
اصلي انا باكتب بالعامية المصرية و دي التعابير اللغوية بتبان اكتر في الصوت٠
هانشر التعليقات لما ارجع و هاناقشكوا فيها٠
و هاروح الغي عقد النت بتاع التليفون٠
اشوفكوا النهاردة ان شاء الله
عاوزين نبقى نتكلم
انا باحب سكاي بي اية رأيكم نتكلم هناك انا الاكونت بتاعي اسمه
saidaly0
و دة على سكاي بي لو نتكلم
و معلش يا رامي باشا على الفيس بوك انا مش مندمج فيه مش عارف ليه
ياريت نبقى نتقابل على سكاي
سلامي للجميع٠

لية تدوين صوتي؟

Uploaded by www.cellspin.net

اول تدوينة بالصوت بحق و حقيقي

مش عارف تجربة و خلاص

Uploaded by www.cellspin.net

تدوينات صوت ذاك افضل جدا

عد كدة هنعمل تدوينات صوتية يا رجالة انا زهقت من الكتابة
انا اصلا باحب الاذاعة فانا هاعملكوا فيها هنا عم المذيع
فمتزهقوش من امي عادي يعني

تجربة الانتقال الى تدوين صوتي نمرة 1

Uploaded by www.cellspin.net

بلد الاشتغالات

تجربة 1:
إنتا يعني عاوز تشخ وسط الشارع و مش عاوز الناس تبص على طيزك تيجي ازاي دي؟
*إحدى الأمهات و هي تنصح ولدها ذو العامين تقريبا و هو بيشخ في الشارع!!!

Sunday, April 19, 2009

ان البقر تشابه علينا

فين الحقيقة و مع مين؟
انتا٠٠٠ معاك الحقيقة؟
و لا ٠٠٠٠ ممكن انا معايا الحقيقة ؟
طب ممكن شيوخ الفضائيات معاهم حق و اننا ولاد كلب عاوزين الحرق٠٠٠٠؟
طب اليسار على حق و الاشتراكية و حق الغلابة؟
طب اليمين و الاحزاب الدينية؟
طب ٠٠٠٠ خلاص ٠٠٠ خلاص هما بتوع الوسط بتوع المواقف المايعة؟
طب بص من الآخر هي الرأسمالية هو دا الطبيعة تتحكم و السوق يقول كلمته؟
طب بص بقى يا معلم ما تخلينا نشوف الاحزاب الدينية كدة؟
طب بص ما تيجي نرجع لحد كبير نسأله هو اية الطريق الصح؟
الطريق الصح مش بتاع معز مفقود٠
فعلا ان البقر تشابه علينا و انا ان شاء الله لتائهون
٠

Saturday, April 18, 2009

المنتديات العربية و خاصة الخليجية

المنتديات العربية
في شركة بنت قحبة الايام دي
او حد لما بيحب يشهر منتدى
يكتب لك على الايميل عناوين
بتعرف منها على طول ان العرب بضان
امثلة؛
لقد انتقلنا و يكتب لك مش عارف اسم منتدى عمرك ما سمعت عنه؟
طب ما تتنقلوا يا اولاد الوسخة انا مالي!!!!
منتديات محمود التاية استمتع باحلى صور للمزز٠
طيب دا كويس شوية
منتديات الممحونة
دا بقى بيبقى منتدى واحد خليجي خول عايز يكلم مزز بس بغباء٠
منتديات الشعر و دي بتبقى بضان بنت كلب بقى٠
المهم هما المنتديات
بتاعة زنا المحارم و الصور الوسخة دول اللي بجد اعلاناتهم وسخة و قلة ادب٠
يا ريت يا خلايجة تحترموا نفسكوا و سيبكوا من النت و ريحونا٠
يا اما تشوفولكوا حل و انا عندي ليكوا حل كويس تعملوا اجتماع كبير و تنتحروا دا هيبقي احسن حل٠
ملحوظة ٠
انا مش عنصري
عشان باشتم الخليجيين
هو في منهم نسبة كويسة بتاع واحد في كل مليار
٠

الا تتبعوني

الا تتبعوني فانا غريب عنكم و قد اتخذت طريقا غريبا٠
لا لست منكم و لستم مني رغم تشابهنا
الا اني احمل حلما على ظهري
و في عيني ضوء٠
الا تتبعوني فلن تستطيع على ما لن تقدر عليه صبرا٠
الا تتبعوني فانا متعب
و لكني اقاتل مازلت و هذا لعمرك مستحيل لكثيرين٠
اراك فوق قمة الجبل هادئا
و انا على القمة الاخرى
اضع علمي و هويتي هناك
لاستريح و افكر في طريقة للوصول٠
اود لو القيت الامانة التي حملتها لاعود جنينا او حتى هباءا
لا فرق
طالما لا تحد هنالك٠
اعلم يا ولدي انك حلقة وسطا بين ازمان قادمة
فاصبر و ضع نفسك وحدك بعيدا عن المعارك٠
ان شعور الوحدة ممض و اصعب منه وحدتك و انت وسط كل الناس٠
اواه يا اباذر اننا على العهد لباقين٠
وحيدا وحيدا حتى نلاقي اهل السماء٠

Wednesday, April 15, 2009

لا تعليق على احكام القضاء

هاهاهاهاها
صاحب العبارة 1300مواطن قتلوا تقريبا يساوي سبع سنين بعد عديد من الاعوام في التدوال٠
هشام طلعت مصطفى رغم وضوح القضية الا انه لم يحكم عليه حتى الان و ننتظر القضاء الفظيع ان يرينا العدل هاهاهاها٠
قاتل بنت ليلى غفران و ليس دفاعا عن قاتل الا انه اتلب الاعدام فورا و دون ابطاء و بدون تداول و لا حنكشة٠
اسلام الظابط بتاع العصاية قعدله كام شهر و طلع على الشغل على طول٠
تستنتج اية من كل ده:
اولا الناس اللي ماسكة الحكم ولاد وسخة٠
ثاني هام انك من غير واسطة او مركز قوة هيطلع ميتين اللي جابوك٠
ثالث هام ازاي بس بيسالوا بعد كدة على الاخلاق و القواعد بعد الظلم دة؟ غريبة شوية٠
رابع هام
لننتظر سويا الطوفان القادم و ابقى قابلني
٠

ولعها ولعها

الخناقات التدوينية جميلة بتبين الحقايق
بتحس دايما ان الناس بقت بضان
و زمن وسخ و تاريخ داير بيجيب نفس الزبالين في نفس الاماكن٠
الشعب ده مكتوب له الوساخة على طول و لا اية؟
معلش بوست غريب بس هنعمل اية

٠ملحوظة
يظل البوست حتى النهاية حتى و هي اشتغالة

Monday, April 13, 2009

السيد عادي

كان السيد عادي مثل اي واحد فيكم
عادي ابن عادي٠
السيد عادي مولود لاسرة عادية مثل الاف
الاسر الاخرى٠
السيد عادي نشأ في حي عادي و لعب الكرة
الشراب و احب إيهاب توفيق و عمرو دياب
مثل اي طفل عادي٠
السيد٠عادي لم يكن متفوقا في الدراسة و
لم يكن من الراسبين ايضا بل كان بين بين٠
السيد عادي نجح في الثانوية و يادوب لحق
كلية تجارة اسيوط على اخر لحظة٠
السيد عادي احب فتاة الاحلام في الكلية و
هي التي وجدها امامه لم يكن لدية اي
اختيار لكنه وفق احلامه لتتطابق مع ثومة
حبيبه قلبه في مدرجات الكلية٠
السيد عادي تخرج و ساب حبيبته لانه مش
لاقي يأكل نفسه اصلا فهيجيبلها اكل هي
كمان منين٠
السيد عادي وقف بعيد يوم فرح حبيبته على
سعيد شمعة العائد من ارض الحجاز و
الملتحي حديثا و لو قربنا شويه لوجه
السيد عادي هتلاحظ دمعة خفيفة و قلب حزين
حبتين٠
السيد عادي يحاول الحصول على عمل ما لكن
جميع محاولاته خلال عامين تبوء بالفشل٠
والد السيد عادي ينجح في الحصول على
تأشيرة عمل لولده في وزارة الصحة كموظف
استقبال في مستشفى عام٠
خمس سنوات منذ توظف السيد عادي و لم ينجح
سوى في تدبير ثمن الشبكة اربعة الاف
جنيه٠
والد السيد عادي يحكي معه انهم على
استعداد لتسكينه معهم في غرفتين من
الشقة و ان يحتفظوا بغرفة للضيوف٠
السيد عادي يبحث عن بنت الحلال بس هي فين؟
وجد السيد عادي المزة بس الطلبات كتير و
لسة بيحاول مع والده يفك الوديعة٠
اليوم فرح السيد عادي و رقص الزملاء من العمل و
الشارع حتى ساعة متأخرة٠
اول طفل للسيد عادي و تغيير كبير له كاب و
صاحب اسرة٠
والد السيد عادي يتوفى و هو جالس على
القهوة بازمة قلبية مفاجئة٠
لماذا يحس السيد عادي الان بالزهق من
رؤية والدته في المنزل و مشاحناتها مع
زوجته٠
تنتقل والدة السيد عادي الى منزل اخته
لزهقها من زوجته و تناصبه العداء و لكنه
مستريح الان٠
السيد عادي لدية الان خمسة اطفال و هو في
منتصف الاربعينيات٠
يحس السيد عادي بزهق من الزوجة و طلباتها
الكتير الان و ايضا طلبات الاولاد٠
المرتب يتبخر منتصف الشهر و السيد عادي
محتار٠
يكره السيد عادي المواصلات و لدية ازمة
نفسية كبيرة هكذا يخبره احد الاطباء من
الجيران٠
يكره السيد عادي حياته و يبدأ التساؤل
لماذا انا هنا و ماذا افعل؟
السيد عادي يبدأ تكسير السيارات الفارهة
خفية في الظلام و هو يمشي في الشوارع من دون ان
يلاحظ احد٠
السيد عادي يفكر في طعم نساء الاغنياء٠
السيد عادي يبدأ التحرش بصغار الفتيات و
يعتبرها متعة ما٠
السيد عادي لا يعرف من هو و لا ماذا يريد
لكن هذا المجتمع لا يعطيه حقه لذا
سينتقم٠
السيد عادي يصلي في احد الجوامع ليلتقطه
اخ ملتزم و يقنعه بالالتزام٠
السيد عادي امرأته محجبة و اولادة يصلون
و هو يحصل على دعم الجماعة٠
السيد عادي الان من الجماعات السرية و
يناضل من اجل دولة اسلامية وليدة٠
السيد عادي يريد الشهادة٠
السيد عادي يقوم بعملية ينهي فيها حياة
بعض الاوغاد و يستشهد كما يعتقد اخوانه٠
السيد عادي قصة كل بني ادم عادي٠

Friday, April 10, 2009

الثورة في مصر



بص يا سيدنا اصلا الشعوب مش بتاعة ثورات
و بالذات الشعب اللذيذ بتاعنا دة٠
طب لية بنتكلم عن ثورة و الشعب لازم يهب و يقوم و مش عارف اية
و بنرغي كتير في الكلام ده٠
اقولك لية;

بص يا ابني و ما عمك الا انا
الظروف كلها دلوقتي عشرة على عشرة لحدوث ثورة جياع بنت ستين كلب٠
لية؟
الناس مش لاقية تاكل
الشرطة و الامن عليهم ضغط ابن وسخة٠
الحكومة مش دريانه بحاجة٠
الريس بيتحنجل بين الدنيا و الآخرة٠
الشعب و الناس قرفانة
في حاجات كتير مش ماشية٠
اذن عندك كومة قش ممكن تولع في اي لحظة
بس عاوزين عود كبريت كويس و اتجاه للريح مناسب
و دا حصل مرة واحدة ولعت في المحلة بس ما كانتش النار كفاية٠
ساعة الهوجة هتبقى ميغة و يا سعده و هناه اللي هييجي يمسك الحكومة
هيبتدي يسرق من الاول تاني و نرجع ورا اكتر من الاول
مش قلتلكو شعب فقري٠
هيطلع ناس تاني ما تسواش تلاتة مليم و
وواحدة واحدة يسرقوا بالراحة
و يتغيروا لغاية اما يبقوا زي حسني و ابنه تاني٠
و ابقوا افتكروا كلامي دة هي حريقة صح و هوجة و البلد دي حالها يتشقلب٠
و يا بخت الرجالة دلوقتي اللي عاملين فيها ثورجية

و مشاهير المدونين هتلاقيهم كلهم واصلين دنيا
و بتتقلب بقى٠
افتكروا كلامي دة ماشي
٠

Thursday, April 09, 2009

نصيحة اخوية

بص يا ابني ما تمشيش بدماغك
و لو لقيت واسطة عيش حياتك و استغلها٠
ما فيش حد بينجح بمجهوده و تفوقه الا اذا كان معجزة
يعني لازم حد يتوسط لك عشان تشتغل٠
لما كنت في مصر كنت باروح الانترفيوهات و باتكلم انجليزي و مش عارف اية
و في الاخربعد ما يقولك اوكي
ييجي ابو واسطة و يشتغل في ثانية٠
ما فيش و لا شركة واحدة من شركات الادوية في مصر
اللي هما يعني فيهم الرمق و الملتي ناشيونال
الا و لازمها واسطة و كوسة بنت وسخة٠
و من الاخر كذاب ابن كلب اللي يقولك كلام غير ده٠
هتلاقي ناس بتصيع عليك و تقولك مجهودي و تفوقي و مش عارف اية
و النبي ابقى قوله صديقي محمد بيقولك
٠٠٠٠٠ و حط له انتا الشتيمة المناسبة٠
في ناس ممكن تكون اشتغلت من غير واسطة بس انا ما شوفتهمش
و لا اعرف حد منهم و انا كنت مصاحب بتاع عشرة الاف واحد
من اول بتاع القهوة و البوابين و السواقين و بتوع الخضار
لحد القضاة و المستشارين و ضباط الجيش و الشرطة٠
ما شوفتش كلب واحد اتعين و لا لقى شغل
من غير ما عمو سميح و لا طنط فكيهة يتوسطوا له٠
اه كام مرة لقيت شغل الحقيقة في شركات ادوية من غير واسطة
بس كانت شركات من اللي بتبيع ادوية بتاعة تسلخات الوراك , زغزغة البضان , حجر جهنم او بضان التماسيح و كدة يعني٠
خلاصة:
نصيحة اخوية
شوفلك واسطة يا بيض
عشان تشتغل

Tuesday, April 07, 2009

اعلانات اعلانات

بنك بي ان بي بيضي باض يقدم لك الصندوق التأميني على الحياة ادفع خمسة مليون بس و تأمن على حياتك٠

ابطال الصدفة

تعالوا كدة نراجع ابطالنا الحاليين و الماضين
و نتبين سويا كدة قد اية احنا هبل و عبط:
1- اسراء عبد الفتاح


ستة ابريل المجيد و كتبت كلمتين على الفيس بوك
و من حظها الاسود ان اللي كان عمل الجروب بتاع ستة ابريل اداها الادمين قبلها بكام يوم فالمهم البت طبعا بعد الكوارث اتقبض عليها طبعا و الناس هاجت و ماجت و البت في لحظة بقت هدف لكل الفضائيات الهابلة اللي لو مثلا واحد مشهور لو مؤاخذة هرش في ٠٠٠٠ مش عارف اية هيطلعوها خبر مهم٠
المهم البت بقى بعد ما كانت و لا حاجة بقت مهمة و كدة و المهم و هي طالعة تقولك انا و الله ماليش دعوة بحاجة و لا ليا دعوة
دا انا حمارة يا جدعان٠
و برضة ستة ابريل
السنة دي سألوها قالت لهم كلام عايم لا هو باين معارضة من تأييد من بضان و اهو اي كلام و خلاص خلي الصحف و الفضائيات تعيش٠
2-عبد المنعم


واحد بضان من الاخوان
برضة صدفة بقى بطل قومي
و بقى بيشتغل في جرايد و عادي بقى و بتاع٠

3-البت بتاعة مقال التعبير
برضه قالك بت جامدة و اجرام و مش عارف اية و هيصة و زمبليطة٠
4
-اسلام و العصاية



الضابط اسلام بتاع حادثة العصاية الشهير
فضلوا ينفخوا في الواد اللي العصاية حطوهالوا لا مؤاخذة في الاوزة
لما ديك النهار عمل شبيح هو و اخواته
و كان هيموت عيال على الموقف ٠
خلاصة؛
موضوع ابطال الصدفة و الفرقعة دة بقي يزهق
و العيال مش لايق عليهم ادوار البطولة
و بيطلعوا لا مؤاخذة بضان٠
شوفولنا ابطال عدلة يا شعب وسخ
٠

لا تعليق على احكام القضاء


مين دول اللي لا تعليق على احكامهم ٠٠٠٠
بيقولك مين٠٠٠؟
القضاة بتوع مصر٠٠٠؟
لية بقى يا اسطى؟
عادي لا تناقش و لا تجادل يا اخ علي٠
طب انا هاناقش معلش اصل انا ما بافهمش ذكاء القضاة بتوعنا٠
معلش نيجي لتعيين القاضي اول حاجة كدة على جنب
القاضي ابوه اصلا كان قاضي او واسطة بنت كلب دخلته سلك النيابة يعني صياعة منقطعة النظير؟
ثانيا تعليم القاضي و فهمه للاحداث او حتى مهمته؛
اقدر اقول من تعاملي مع القضاة اللي انا اعرفهم و شفتهم ووكلاء النيابة اصحابي انهم حمير متطورة و الله مش عفانة بس دي الحقيقة هما بيستخبوا ورا الهالة بتاعة القضاء و النفخة بتاعة النيابة و ما بيكلموش حد الا اذا كان مستوى عالي، بس الحقيقة انهم مخهم على قدهم و تفكيرهم معظمه سطحي فحت يعني٠
طب و نيجي كمان لنظام القضاء ؛
يا عالم يا ظلمة دي محاكم و لا دي بشر اصلا تتعامل و لا دا شكل محكمة٠
التعامل مع التكنولوجيا؟
هل في عمرك شفت قاضي بيستعمل الكومبيوتر مع القضايا و بيخزن قضاياه او بيتعامل معاها الكترونيا، دا يعني لو حب يرجع لقانون او قضية مثلا٠
الاعتراض؟
ممكن يكونوا وقفوا موقف امام الانتخابات الاخيرة بس برضه بطولة الصدفة السايدة في مصر٠
ثورة تحصل صدفة ، رئيس ييجي صدفة ، بطل ييجي صدفة من حادثة و لا مصيبة، شعب يعمل هوجة صدفة في الهيصة، هي كل مصر ماشية بالصدفة و الهوجة٠
اخيرا؟
مافيش بني آدم لا يمكن مسآلته مهما كان قاضي و لا فاضي انا هاعلق و اشتم على راحتي و ان ما كانش عاجبك روح عند امك خليها تدلعك و شوف ان ماحدش هيعلق عليك بعدها٠
انما تشتغل في وسط الناس و تحكم بالقانون يبقى يتعلق على امك و اللي جابوك و على حكمك٠
و بعدين يعني ما انتوا احكامكوا فيها حاجات جميلة خالص و لا بلاش نفتح الملفات القديمة٠٠
ملحوظة في ناس من القضاة ممكن يكونوا كويسين بس قليلين و المقال هدفه الرئيسي التعليق على اي حكم في الدنيا لانه حقنا و هنتكلم٠٠

Monday, April 06, 2009

من وحي السيما


من فيلم
(v for vendetta)
او بالعربي ممكن نقول امير الانتقام٠
لو الفيلم ده حقيقة مصرية ازاي هيكون؟
مثلا مثلا واحد من رجال الاعمال اللي حوالين جمال مبارك يكون متنكر في صورة ازازة و يكون راجل وطني من جوة بس في الظاهر ابن كلب وسخ زي اللي موجودين دلوقتي٠
بعد كدة يأجر عيال من بتوع ستة ابريل يولعوا له في البلد كل شوية و يروح مسلطهم على الشرطة و امن الدولة٠
هو بقى يكون في الحقيقة بينخور في الحكومة و عمال يخوزقهم في السر٠
شوية و تتطور الخطة و يبتدي يقتل في الحرامية واحد واحد و يسيب بصلة دليل على ان القاتل هو بتاع الثورة٠
بعد كدة يبتدي يخطط لبتوع امن الدولة و رؤوسائهم و يسيب برضه بصل في كل حتة٠
الناس بقى من كتر البصل يروحوا قاتلين رجل الاعمال الوحيد الشريف و يتفوا على اللي جابوه٠
و نرجع تاني لعصر الريادة و الحكمة و دي تبقى نهاية فرقة ام سعيد المسرحية
٠

Sunday, April 05, 2009

أمن قومي




و النبي مش عنوان يضحك عامل زي بتوع الحكومة المصرية لما تيجي تتكلم على الامن و السرية٠
لما خلصت الكلية و بعدين المفروض انك كصيدلي
يعني بتروح وزارة الصحة تجيب شهادة مش عارف اية كدة٠
طبعا مبنى جربان كالعادة و لكن اللي كان ملفت للنظر اللي كاتبينه على الباب معلقين يافطة كبيرة كدة و مكتوب عليها؛
تعليمات امنية:
1-لا تتحدث مع احد لا تعرفه في شئ ما٠
2
- خلي بالك لحسن حد غريب يدخل هنا
3- المعلومات اللي هنا مهمة و لا يجب خروجها
4- مش عارف لا تتجول في منطقة مش بتاعتك هنا و الا تعرضت للمساءلة٠
5- خلي بالكم وزارتنا سرية جدا
طبعا اللي مكتوب في اللوحة غير كدة بس تعليمات امنية تنقط
و تخليك تحس ان الناس ذي فعلا مهمة لكن تعال بقى للحقيقة٠
طبعا يا حلوين كل مناقصات الوزارة و الحمدلله كلها سرقة و نصب و تزوير و الحمدلله،
الوزارة اصلا كل معلوماتها مش في ايديها اصلا
و لا عندها معلومات حقيقية اللهم الا في عدد الموظفين و المرتبات٠
وكلاء الوزارة كلهم راكبين عربيات و مش عارف اية
و الاطباء اصلا مش لاقيين ياكلوا٠
كل المعلومات ممكن تاخدها من اي موظف سنكوح بكام جنيه و خلاص او رشوة معقولة٠
طبعا انتوا فاكرين القضايا كلها و مثال
1-رامي لكح و كل الاجهزة للمستشفيات اللي كان بيجيبها بلاستيك و مش بتشتغل اصلا٠
2- صفقة مستلزمات الدم بمواسير اقصر و لو ان الراجل دة ما كانش قصده يسرق و القرب كانت سليمة بس خد المناقصات بالواسطة برضه٠
3- طبعا المباني و سرقتها و بنائها و مناقصاتها و كل المصايب فيها٠
4-عدد موظفين رهيب يخليك تكره نفسك و مع ذلك الشغل اصلا مش ماشي٠
دا كله اللي بيضحك على سرية المعلومات و الاهمية اللي بيرسموها علينا
و امن قومي و مش امن قومي٠
خلاصة٠
اي حد يقولك امن قومي اضربه بالشبشب عدل
٠

موعدكم يوم الزينة




بكرة ستة و دة شهر ابريل
يا تري يا حسني هيبقى يومك امتى؟
مش مهم٠
نبؤات حقيقية
تأتيكم النار من الشمال اولا
فيموت الرجل العجوز المتهالك
و يظهر طفل الفقراء على سطح القصر
يتداخل الجمع
فيقتلون ام قويق امرأة العجوز الراحل
يستسلم ولده العبيط جيمي
لكن اسنان الفقراء لا ترحمه
يضربون الجثث بالجزم
و ياكلون كل ما في مخازن العائلة٠
ثم ياتي على الناس حين من الدهر يجوعون و يقتلون بعضهم بعضا
حين تنتشر الفوضى بعد قتل فتحي موافقة و صديقه زكازيكو عزمي٠
و قبل الجوع كان الناس قد قتلوا كل من في الكومباوندات و الفيلات
و ظهروا عليهم و امعنوا في اغتصابهم و اذلالهم قبل قتلهم٠
كما ان في الاخبار ظهر احدهم و هو يضرب صاحب الحديد بالشوم علي راسه٠
و اصبحت الشوارع ملاذا للمجرمين ياكلون المار و الغادي٠
و بيعت البي ام التي يركبها احد الوزراء براس كلب يؤكل في ايام الجوع٠
كما انه ذكر ان اول ايام الفوضى
هجم اولاد عزبة النقاشين و بطن الجبل على فتيات المنتجعات الخاصة
و اغتصبوهم حتى زهقوهم ثم قتلوهم٠
و هكذا قيل في اذاعة البي بي سي انتهت دولة
كانت في يوم ما قد انتصرت في معارك و
ظهرت في الارض
و لكن حق عليها العذاب
بما قدمت ايدي الناس
و لترف اغنيائها و فسقهم٠

عدم الاحترام الحقيقي

اللي يخليك تزهق و تسب للشيوخ بتوعنا ابوهم و جد جدودهم
الجهل و تعميم الامور الرهيب اللي عايشين فيه٠
فكلمة غرب او غربي لابد ان يلحقها على طول كافر و فاسق و شاذ٠
و الحقيقة ان الغرب غير كدة خالص نهائيا٠
ثانيا منين بيجيبوا معرفتهم و اليك الاختبار التالي؛
من من شيوخكم يجيد لغة اجنبية اجادة تامة*? و يقيم في الغرب الكافر و يمتهن مهنة محترمة ?
بدل من القعدة و الشحاتة في الجامع من الدول و الافراد؟
او حتى من من الشيوخ يقرأ كتابات الغرب بلغتهم الاصلية؟
او بلاش مين منهم بيعرف حد من الغرب انسان عادي و شاف حياتهم العادية؟
انا شايف ان المفروض كل طالب من الازهر يروح مرة للغرب
يعيش مع اسرة غربية عادية و يشوف الناس دي عايشة ازاي؟
عشان يعرف الناس دول مين و لية احنا بنكرههم كدة و احنا لية متاخرين؟
افيقوا بقى يا اولاد الكلب الله يخرب بيتكم٠
شيوخ جهلة و شعوب حمير و بشر هابلة
انا شوفت الشيوخ بتوع الغرب هنا بتوع الجوامع و اقدر اقول انهم حاجة وسخة
و اوسخ مثال للاسلام و الحمدلله٠
شحاتين على كل لون يا باتيستا
و الدول العربية اللي بتعمل لهم تمويل اما بهبل او بغباء منقطع الفطير
ما يعرفوش قد اية الناس دي ولاد حرام٠
كارهين لنفسهم و للناس و منيكة مالهاش اخر٠
تلاقي واحد مالوش شغلة و لا مشغلة و حمار
و امام جامع بالفردة و عشان الابيج و الفلوس اللي بتيجي من برة٠
و بصراحة اكتر بقى كتير من اللي بيخشوا في الاسلام دلوقتي من الغرب
من العالم الهفأ و المجانين اللي اصلا مكانهم الصراية الصفرا هه بس٠٠٠٠
و الله بجد يعني بجد و لا واحدة قابلتها الا و كان عندها مشكلة بنت كلب
و بتكذب و مخها مش مضبوط٠
مش معنى كدة ان الاسلام وحش
بس فعلا الناس اللي بتسلم هنا غريبة و المجتمع اصلا كان لافظهم برة٠
نسوان معقدة و رجالة غريبة و انا بصراحة باخاف اقول كدة
لحسن البقر يقولك فاسق و بيكره الاسلام٠
بس و الله لغاية دلوقتي كل اللي شوفتهم من اوروبيات مسلمات جديد
عندهم عقد و كلاكيع بنت كلب٠
المهم
الشيوخ بنت الحرام اتعلموا لغة الغرب
و اقروا و اتثقفوا
بدل الكتب اللي كلها الدود اللي بتجيبونا بيها وراء الشمس٠
و شكرا على حسن المتابعة٠

توضيح للحقائق بس

انا بهذا البوست باحب اوضح حاجة للناس
عشان ما نظلمش بعض٠
انا باشتم صحيح و باقل ادبي في البوستات بتاعتي
بس انا مش بادعو للرزيلة و لا انسان مثلا مختل
لكن دة عادي لاني شايف ان المجتمع ده بقى كدة
و انا على العموم خارج من مجتمع فيه الشتيمة دي موجودة٠
برضة ما قلتش ان الشتيمة صح و ان انا كدة كويس
و برضة مش كل المواضيع شتيمة٠
اللي عاوز يتقبلني كصديق ماشي و على راسنا من فوق
بس نرجو تصحيح الصورة عني٠
انا زي اي واحد فيكم بني ادم عادي بيمشي في الشوارع و بياكل و لا مؤاخذة باعمل بيبي و على فكرة انا كمان مثال لناس كتير
يصفتي صيدلي بقى.
و كمان مسافر برة في اورومبا و الدول المتقدمة٠
باصلي ممكن مش بانتظام
بس باعترف بربنا و الاسلام
و انسان عادي يعني مش حاجة وحشة٠
باصوم زي اي واحد فيكوا و متربي و ابن ناس طيبين مش معقد و لا حاجة٠
بعض الناس بتيجي تعلق و مفكرين ان انا بقى يعني سايب بقى و فاجر
و للاسف انا غير كدة خالص انا هادي جدا
و لاحظوا انا باشتم بس بانصح نصايح صح في كتير من الاحيان٠
مش مهم اخلاقي و لا ديانتي و لا لساني
بص عليا كاخ ليك و انسان و اهدافي اية؟
انا عاوز مصلحتكوا و انا باحب مصر و الناس بتوعها بس٠
اخوكم و بيشتم و قليل الادب
بس اخوكم هتعملوا اية بقى٠
ملحوظة :
واحدة او واحد بيعلق عندي معلش انا مش هاعين نفسي قاضي عليك
بس انا مش عيان نفسيا
فارجوك اقرا و علق و انا هارد عليك
و ارحب بيك بس مش هاقدر انشر معلش
مش عشان انا ملتزم قوي بس عشان العيانين اللي في الشعب عندنا٠
شكرا٠

Saturday, April 04, 2009

ابطال الصدفة و تاريخ الوهم


اللي بيصدمني دايما في التاريخ هو اوصاف الناس لبعضهم و خلي مخك مفتح معايا من فضلك عشان الحتة دي صعبة؛
يعني مثلا بيقولك على مش عارف مين الفارس و البطل المقاتل الذي لو حارب الف لقتلهم٠
طبعا ما فيش اي بني آدم موجود يقدر يقتل الف و لا حتى عشرة في مرة واحدة كدة في حرب الناس جاية تقاتل بعضها فيها٠
كذلك وصفنا للتقاة و المؤمنين بيكون منزة عن اي خطأ و عن عصرهم كانه كان عصر الجمال و الحلاوة كلها ودة برضه مبالغة بنت لذينة٠
مع ان اي حد من العصور القديمة لو صاحي دلوقتي مش هيرضى يرجع عصره تاني و لو ضربناه بالجزمة حتى٠
و الابطال بتوعنا و خاصة بتوع المصريين و العرب تحس انك بتتكلم على مش سوبرمان و اصدقائه لا ياريت دا سوبرمان دا مايجيش فسية في ابطالنا يا ابني٠
الخلاصة؛
العصور القديمة بتاعتنا كانت بضان زي دلوقتي و اوسخ و ابطالنا بضان في حاجات كتير و بشر عاديين بس كان عندهم فكرة و مبدأ شوية٠
فهمت حاجة؟