Wednesday, April 07, 2010

حكايات


هاه إية رأيك يا عم ما فيهاش غلطة على رأيكوا يا مصريين
قالها صديقي السوري
و أنا أقود المرسيدس التي للتو أخذناها من معرض السيارات
لتجربتها على الطريق مع وعد منّا بإرجاعها آخر النهار.
كانت السيارة من الداخل مخططة بطريقة رائعة
أمامك كل شئ مضئ
و لها عدادات جميلة
و ناقل آلي ثم لها دليل خرائط يخرج من أمامك ليتوضع في منتصف اللوحة الأمامية
و يدلك على الطريق بطريقة لا تشتت إنتباهك أبداً.
و كانت المقاعد وثيرة و من الجلد الأسود الفاخر و تتحرك آلياً لتضمن لك الراحة التامة أثناء القيادة.
دخلنا المدينة التي يسكنها صديقي ليقول لي إنه لابد من ذهابه الآن لزوجته و أنه سيمر علي غداً ليتأكد من شرائي هذه العروسة على حد قوله
و أيضاً ليتركني معها كي تبدأ علاقة الحب
كما بدأت بينه و بين سيارته التي هي أخت لتلك التي نحن فيها.
تركته على الرصيف ثم إستدرت عائداً.

*( لولا الأزمة الإقتصادية - صدقني- ما كان صاحبها مدير المصنع الفلاني باعها بهذا السعر أبداً)
قالها صاحب معرض السيارات
و نحن نتسلم السيارة
و قلبي يقول - ألا بوركت أيتها الأزمة العالمية- .

*إتصلت بي صباح ذلك اليوم لتخبرني أن كيلو اللحم
أصبح ثمنه خمسون جنيهاً
و أن كثيراً من الناس لم تعد تأكل أصلاً
و أن الفقراء قد توفوا بالسكتة القلبية.

*يكلمني صديقي على أمواج الإنترنت
ليخبرني بأنه قد إنضم لعالم الكبد من أوسع أبوابه
و أن الفيروس سي يمرح في جسده و يلعب معه الآن لعبة مصر الأولى
و أنهم في المستشفى بعد تأكيد التحليل
قالوا له تعال بعد عشر سنين لنرى كيف نعالجك
لعدم توافر الإمكانات و نحن نعالج الهالكون أولاً.

*يقول لي صاحب العمل أنه قرأ عن مصر كثيراً
و أنه يتمنى رؤية هذا البلد الرائع و يسألني سؤالاً غريباً
هل كل الناس سعداء هناك لأنهم يعيشون في بلد الحضارة الأول؟

*يشكو صديقي الذي كانت له مهنة يوماً ما
من عدم توافر رغيف العيش
و أنه يدوخ السبع دوخات ليحصل على رغيف من بين عشرة ليأكله.

*أعود لصاحب المعرض آخر اليوم معتذراً بأن السيارة جميلة و رائعة
و لكنني أبحث عن سيارة إقتصادية و صغيرة
لكي أستطيع ركنها في المدينة بسهولة.

*و أنا خارج من المعرض أحس بأن السيارة تقف متفرجة و مندهشة لسلوك هذا النزق
الذي لم تعجبه أميرة مثلها
و كأنها ترفع مصابيحها بخيلاء و نظرة إستعلاء على زمن هبط بسعرها
لمستوى البلهاء من البشر.

*أذهب لبائع الدراجات الهوائية لأبتاع أفضل ما لديه
إستعداداً لصيف - أعد نفسي فيه بأن أستنشق الهواء النقي و أفقد عدة كيلوجرامات-

*لطالما رأيت مالك المرسيدس في بلادنا كالغول
يأكل اللحوم بشراهة و لا يتكلم مع خلق الله ببساطة
و يملك أموال ما أنزل الله بها من سلطان
و دائما عسير الهضم لمن حوله
و قد خفت على نفسي
حينما رأيتني في مرآة المرسيدس
أتحول لشخص لا يبالي.

Saturday, February 20, 2010

إية يعني

إية يعني لما يكون معاك فلوس و عايش حياتك و إنتا في مجتمع كل البشر فيه مش لاقيين ياكلوا؟!
إية يعني لما تبقى تروح قهاوي و كافيهات غالية و إنتا شايف برة من الإزاز عيون بتلمع في الضلمة و بتبصلك بنظرة الضبع اللي مستني فرصته عشان يجيبك من قفاك و ياكلك و يموّتك.
مشكلة الأغنيا في هذا المجتمع رهيبة لأنهم سرقوا و نهبوا بس مستنيين الإنتقام. لاحظ إن في ناس هايمة في الشوارع كتير دلوقتي و ساعة لما يوقف النظام هيتحولوا لوحوش بتاكل البشر زي أفلام الزومبي اللي بيجيبوها.
كتير بأحس لما باكون في فنادق غالية في مصر بنظرة اللي بيخدموا من ورا ضهر البشر كنظرة واحد هيضرب ضربته في يوم ما.
مش إحتقار للناس دي بل بالعكس هما إتظلموا فعلاً بس هل سيكون يوم الدينونة المصري مرعباً كما أتخيله؟!
و فعلاً إيه يعني لما تسكن في الرحاب و لا دريم و لا القطامية هايتس و إنتا محروس بألف سور و عيالك خايف عليهم من عيون الأغيار الحقوديين.
ناس كتير لديها أمل بس لازم تكون في نار تحرق عشان تطهر لأن في رعب تحت الأعماق و في ظلم منتشر و ليكونن إنتقام الجوعى ضارياً و متوحشاً و فوق كل الحدود.
ربنا يستر.

Friday, February 19, 2010

و فعلها البرادعي


أقول أن الرجل شجاع و يريد أن يخلّد إسمه في صفحات النور و المحبة و هكذا سيكون سواء نجح أو فشل فهو أمل يعبر في سماء شعب محبوس بقضبان نظام عام خاسر لنهاية المدى.
قصر العروبة و ساكنيه اليوم أتخيلهم يتفرجون و يسبون في هذا الشعب الجاحد الذي ضيع السيد الوالد عمره معه و في الآخر بيهتفوا لحتة برادعي في المطار؟! و عجبي على رأي الأذعة أحمد عز.
لم تنفع جمال مبارك شعارات مفجر الثورة و مشقلب الدولة و لا أي تلميع بل سقط في قرار سحيق في أول مواجهة و لو تم الضغط عليه أكثر لهرب بجلده و لكننا شعوب لا نطيق صبراً على المكاره أو هكذا يقال لنا.
هنالك واحد آخر كان أكثر ذكاءاً و لو كان أكثر شجاعة و أنتهز فرصته حتى في عام ألفين و خمسة لكان صار علامة في التاريخ و هو أحمد زويل الذي ياللخسارة لم يقدم على ما أقدم عليه الذكي و البارع محمد البرادعي.
لو أنني مكان زويل لحزنت كثيراً على فرص ضاعت بسبب خوف تقليدي و عدم اقتراب من السياسة.
عموماً لا يهم فمحمد البرادعي ظهر و ظهر وجه القمر و لو ضياءاً بسيطاً ..... عموماً هكذا أول الضياء خيط داخل الخيط الأسود ينير بصيرة و ضمائر.
ياليتني كنت هناك واحداً من القلوب الشجاعة.
ياليتني أكون معكم صانعاً للتاريخ و لكن عزائي أني هنا أصنع ما أراه يوماً ما مستقبلاً لنا جميعاً.
كنت أتحدث مع عماد قبلاً فلما قلت له أني أحاول توثيق ما أراه هنا و هناك في مهنة الصيدلة أحسست أن عماد أستغرب و ظن أني مجنون ربما.
و لكني يا عماد حقيقة أرى هذا العمل في قمة الأهمية لأن البلاد تبنى بأيدي عمالها و صناعها و كذلك من يتدربون في الدول المتقدمة ليعودوا و ينقلوا ما رأوه هناك.
أعتقد هذا مهم و دور السياسة و الصناع للقرار مهم.
نهاية أود نقل تحياتي للبرادعي أو لنقل السيد رئيس الجمهورية / محمد البرادعي
نتمنى على الله أن يوفقك و لو لم يحدث فكفاك عظمة أنك كسرت الطوق و أنت أول من أراه -حقيقة - قال لظالم و دولة ظالمة أن كفوا أيديكم و أنكم أنتم الظالمون.
صديقي د. محمد البرادعي إني أحبك في الله
هكذا تكون الشجاعة و هكذا يكون الفداء لله و للوطن و هذا هو دين الإسلام العظيم و دين محمد الذي دعا إلى الخير و أنشأ العدل في بلاد الظلم و الظالمين
تساؤل بسيط :
مال فين شيوخ الفتة و الكفتة ما حدش فيهم نطق لية في الحق و التغيير؟ و لا دي كمان عاوزة فتوى نمشي ورا البرادعي بالرجل اليمنى أم اليسرى؟!
فين محمد حسان أفندي بتاع قناة الكفتة و الراجل التاني اللي أسمة مش عارف إسحق الخميني و غيرهم ما فيش واحد منهم نطق بالحق و كلهم خرس دلوقتي يعني؟
إنطقوا أخرسكم الله و أعماكم أكتر ما أنتم عميان.
دا إنتوا ربنا هيحرقكوا بجاز من اللي مش متكرر يا فتوجية.
الواحد هيفتح عليهم النار الجزم و لا بلاش حرام نبوظ نقاء المقال عالناس دي
تحياتي يا باشمهندسين.

Wednesday, February 17, 2010

البرادعي..على مقاس الأمل من مدونة أسد

البرادعي..على مقاس الأمل



الآن فقط حان التحرك للمطار يوم الجمعة القادم





Thursday, February 11, 2010

اختلاف الذوق

اختلاف الذوق
أسوأ شئ عندنا هو إن الذوق واحد
تخيل ٨٠ مليون بني آدم بيحبوا نفس الشئ و بيشجعوا الأهلي و بياكلوا نفس الأكل.
لو واحد فتح محل مثلاً لبيع الحبوب و نجح بالظبط تاني يوم هتلاقي واحد طلع زي الخازوق فتح محل حبوب تاني و تالت و رابع و عاشر لغاية أما تجارة الحبوب اللي كانت بتكسب تخسر و برضة ما فيش فايدة هتلاقي حمار برضة راخر يفتحلك محل حبوب.
بص على الصيدليات أي واحد بشخة بيفتح صيدلية دلوقتي في أي حتة.
دا البنت اللي في كلية صيدلة بتتباع دلوقتي زي الداموسة لا مؤاخذة و ابوها بيشترط المهر عالحمار اللي جاي يشيل.
أعرف واحدة شبه عبد الفتاح الجريني كدة و جوزها شبة ألان ديلوم بالظبط و الواد كان هيتجوز لو كلبة بس معاها كلية صيدلة.
أول ما عرفها قالك بس لقيت لقية و المصيبة صورة الفرح بتاعهم تبص تلاقي الواد نضيف و متسرح و جنبه واحد غريب كدة شبه هولاكو و ياريت عاجبها دا دلوقتي بتقولك مهندس اية و بتاع اية دا انا كان جايلي عرسان طوابير طوابير و لا طوابير الأنابيب.
الواحد من كتر الصيدليات في مصر خايف يخش الحمام يلاقي صيدلية في المجاري بعد كدة.
و في حاجة تانية برضه في الذوق العام في حكاية الأسواق و المولات في القاهرة خصوصاً
و المحلات المشهورة برضة كدة.
يعني في التسعينيات كان الحرية مول أول مول فتح و كان ملغم نسوان و شباب و حريم و كل شئ دا كان ايام زمان طبعاً.
بعد كدة جنينة مول و السراج مول فتحوا تقريباً مع بعض.
كنت تلاقي الحريم تجري من السراج لجنينة دواليك دواليك كدة.
و الحرية مول طبعاً اتنفخ بس كان في شوية ملتزمين بيروحوا زيي كدة لسة بيشموا عبق التاريخ في المول.
و أخيراً جه الفشيخ ابن الفشيخة ( سيتي ستارز) الفاشخ لما سبق و الناسف لجميع المولات القديمة.
مازال سيتي ستارز فشيخاً و بضيناً و ملياناً على عين أمه بس مرحلة سيتي ستارز بضان لأن العملية شخت و الناس بجد بقت ..... على رأي واحدة بتاكل في جراند كافيه المعادي .... خلاص سيتي ستارز بقى سنكوح آخر حاجة يا بيبي......
قال أنا بيبي قال ..... عالم بنت جزمة صحيح. هعهعهعهع
و لا الماركت الكبير كركور دة اللي كل ما تكلم حد يقولك هتلاقي في كركور أقوله كركور مين ياعم. يقولي يا أخي كركور بتاع المعادي باين أنا عارف.
بلد مولات صحيح. و ماركتات كمان بس ... هه.

مافيش مرة

مافيش مرة
مافيش لاعب واحد قال للريس و الله الناس تعبانة يا ريس.
اللي بيفوز في مصر الأيام دي أو بيعّدي زي الواحد اللي بيفوز باليانصيب أو اللوترية ... بيبقى واحد فاز بكام مليون و عدّى و خلاص مالوش دعوة بحد تاني.
عارف إية الفرق بيننا و بين فرنسا؟!
إن فرنسا جه فيها ناس ربنا إداهم و غناهم بس كانوا بيحبوا بلدهم أكتر لذلك سعوا لمصلحة الناس و إتكلموا في مصلحة الناس.
ما أعرفش هل هي رشوة من الحكومة حتى يسكت الناس بس نظرة واحدة على اللعيبة تخليك تعرف إن عمر ما واحد منهم هيفتح بقه قدام أي مسئول.
هو مبدأ ( إطعم الفم تستحي العين)
نعم و ربما و لن أكذب عليك بمثاليات و أقول سأتكلم لو كنت مكانهم عن عم شحاته المريض بالكبد و بهدلته على باب المستشفى الأميري.
أو طابور العيش الأسود أبو ربع جنيه؟!
هل سنرى بني آدم واحد يقول قولة حق في وجه التاريخ و أمام حاكم متفرعن؟!
ربما لن نرى فالكل يقدس العجل المعبود في ذلك البلد و يحش له كمان.
هل أتكلم عن نخبة مشهورة لا بل أنا و أنت إذا وضعتنا الظروف أمام الشهرة و الفلوس أكيد سنضعف أمام العربة المرسيدس و الشقق الفاخرة. و قليل من المزز الجامدين.

Sunday, February 07, 2010

مستشارين يا أخي هئ

حلقة عن تعيين المستشارين في مصر
و المعروف طبعاً إن المستشارين بييجوا في كل وزارة في مصر لنهب و أكل فلوس بالحرام
و كذلك لإيقاف تعيين الشباب و تعذيبهم ببشر عواجيز و كراكيب.
البلد بقى شكلها عجوووووووووووز
يا أخي البشر متحللة و لسة ماسكين في مكانهم
اتفرجوا و قولوا رأيكم؟!
رأيكوا في الأتة المحلولة اللي إسمها المستشارين


ميم المعارضة و ميم أخرى

هناك من يكتب أسمه قبله حرف تعريف كحرف الدال مثلاً للدلالة على دكتور أو حرف السين دلالة على سباك.
كان لي صديق يكتب قبل أسمه حرف العين في الثانوية العامة و كان يقول أن معناها عالم و لكن بعض الأصدقاء الأعزاء ... الحقيقة توبوه و فهموه إنها معناها بعيد خالص عن العلم و أخرجوا له كلمة تبدأ بالعين و تدل على ال...... ممكن نقول ميوعة و دلع في غير محله.
عموماً في هذا الزمن الأغبر تجد أشخاص على رأي جلال عامر يضعون ميم معارض قبل إسمهم و هي في. حقيقة الأمر معناها ميم لا مؤاخذة واحد تاني بيسهل لواحد تاني....... العمليات. زي اللي لا مؤاخذة بيقولوا عليه في مصر بقرون كدة.
أعرف واحد صاحبنا يضع هذه الميم على صدره و عامل فيها شبيح و نازل شتيمة في سلسفيل الحكومة و رئيس الوزرا و هو قاعد مرة معانا واحد قاله لما كان هيبتدي فاصل التهجيص ما تشتم في اللي جاب الوزرا فحصل موقف عارف زي موقف ابراهيم و النمرود لما قاله الشمس بتطلع من الشرق هاتها من الغرب ( فبهت الذي كفر) الواد ساعتها سكت و هدي و بقى مسالم خالص.
كذلك معارضي الفضائيات و مذيعيها بيشتموا النتايج و سايبين السبب.
بيتشطروا على نظيف و سايبين اللي جابه.
بيتكلموا على المشكله و بيسيبوا الحل الرئيسي.
الحقيقه أن المشكلة معروفة و القرون واضحة و الناس ضايعة و هابلة.
عموماً في ناس من المعارضة فعلاً تستحق الميم اللي بنقول عليها ميم.... مع.... لا مؤاخذة.

Friday, February 05, 2010

أحب البشر


أنا أحب البشر و أكره الحكومات
أكره التعقيدات و الأوراق الثبوتيه ككره
الحمير لعصايه العربجي.
كم أكره المط
ارات و نظرات المسافرين أو
الموظفين على السواء.
أكره نظرات المضيفات الغربيات لذلك
العربي التائ
ه بين طوفان الغربيين.
لا لم تعد
المطارات مرحبة بالغرباء و
خاصة في بلاد الجرمان و الأعاجم.
و لله كم أحب تعامل ا
لبشر الصادق داخل
البلاد.
فلا تجد تلك النظرة
الرسمية المقرفة و
إحساس ال
غريب المروع.
هناك العواجيز الذي يدخلون
للصيدلية
لشراء أدويتهم و
كيف يتضاحكون و يحيونني
عندما نلتقي مصادفة في الشوارع هاهنا.
هنالك دفء ما حي
نما أتعامل مع بشر تثق
فيّ و تعاملني كالآخرين.
لو لم توجد هذه
التعاملات و الأحاسيس
البشرية لما سافرت
و لما تنقلت أبداً.
هنالك أيضاً بش
راً من الذين يتطوعون
للحديث و الحميمية
ربما بدافع الفضول و
ربما بدوافع الح
ب و البحث عن شريك
للحياة مختلف.
كوكتيل من البشر و
التعاملات و صداقات
تنشأ و الحمدلله على كل حال.
و أخيراً هنالك يد الله و هي يد
فعلاً
خفية و لكنها نعمة كبيرة ، أحس لحظات في
ترتيبات الظروف و ت
ريبات الزمن كم كانت
حنونة تصاريفه فلم تق
سو بشدة و لم تمنح
بكثرة بل بين ب
ين حتى تظل النار متوقدة و
حتى تظل شعلة ال
عقل مشتعلة. ربما لا أعلم
ما هي الغاية النه
ائية و لكني و الحمدلله
وصلت لمرحلة ال
رضا و عدم الندم.
بلادي الآن تتحول
الى أماكن مغلقة رسمية
لم يعد البحر ملك الماشي على الشاطئ.
بل صار كل مالك وحدة ما صاحب البحر و
مالكه و مانع البشر من رؤية بحر الله.
و كذلك صار النيل مخنوقاً بين عمارات
شكلها مقرف و عالية و مانعة للهواء و شمس
الله الذهبية على صفحة النيل العظيم.
أتذكر حين ذهبنا لزيارة صديق في مارينا
البحر المتوسط فإذا بهم صنعوا بوابة
كمطارات الغرب تمنع البشر الغلابة و
الفقراء و غير المرغوبين.
للأسف كلما وجدتني أحسب إحتمالات الفقير
في مصر النيل أجدني أصاب بالتشاؤم لأنها
لا تتعدى الصفر أبداً.

Sunday, January 31, 2010

أرخص سعر للمكالمات الدولية من واقع خبرتي المتواضعة

مقال تقني بحت
about VOIP
كيف تتصل من أي دولة في العالم بأرخص الأسعار؟
الآن على سبيل المثال التاريخ هو 31.01.2010
و سعر المكالمة الدولية لمصر حوالي خمسة سنتات من اليورو أي حوالي اربعون قرشاً مصرياً من أي مكان في العالم طالما لديك اتصال بالانترنت و بصوت ممتاز الجودة.
و أيضاً يمكنك استعمال جهاز تليفون منزلي عادي للاتصال كما سيلي في الشرح.
كما ان العديد من دول العالم باوروبا و امريكا الخطوط الارضية لديهم يمكنك الاتصال بها ببلاش.
ازاي بقى؟!
بص يا سيدنا الموضوع بمنتهى البساطة كالآتي .
روح الموقع دة


و شوف ارخص شركة بتدي مكالمات لبلدك مثال مصر هتلاقي
بتقدم الدقيقة الارضي او المحمول بخمسة سنت من اليورو.
طب المفروض تعمل اية ؟
تروح رايح على موقعهم و تنزل البرنامج بتاعهم عالكومبيوتر و بعدين تشتري كارت بعشرة يورو اول مرة هتقول ما عنديش فيزا هاقولك ما فيش مشكلة يا معلم. تروح رايح على اي ويسترن يونيون بس يكون ليكI.D لدى الشركة تلك و تشتري بفلوسك العادية بتاعة البلد اللي انتا فيه القيمة اللي انتا تحبها.
واحد عيقولي طب ما لازم كومبيوتر هاقولك لا يا فالح ممكن من الكومبيوتر او من جهاز تليفون ارضي عادي بس لازم يكون عندك الجهاز دة توصله بالنت و بعدين توصل بيه جهاز تلفون ارضي عادي

Product Small Photo

و طريقة تشغيله بقى تقرف شوية فلو حد اشتراه ابقى علق عندي و انا هابقى اتصل بيك اقول لك و خلاص اريح من الكتابة
و الاحسن كمان انك ممكن تحط الخط دة كمان على موبيلك لو الموبيل حديث و فيه اتصال سريع بالنت تروح حاطط عليه مثلاً
برنامج زي دة

و بعدين تروح لل settings بتاعه و تحط حسابك هناك و بكدة يا معلم تتكلم من موبيلك بسعر رخيص موت و انتا في اي حتة.
ما تنساش تبقى تشكرني لو اشتريت من الخدمات دي عشان انا اللي قولتلك يا جزمة.
و ما تنساش تتابع الموقع اللي بيقارن الخدمات
عشان تعرف ارخص الاسعار دايماً

Wednesday, January 27, 2010