Sunday, June 28, 2009

تبريز البروايز في تركيب البهاريز

أنا مستشار و إنتا هتبقى مستشار زيي دا آخر كلامي ليا أنا و أمك.
بهذه الكلمات أنهي والد أحد أصدقائنا حياة إبنه حيث حدد له مساره بمنتهى القسوة
و لكن الذي حدث ان الولد حقيقة انتحر يأساً من والده و توفي في ريعان شبابه.
و اصل الحكاية
ان حسام صاحبنا دة كان اكتر واحد شفته في حياتي موهوب في المزيكا
في عمري ما شفت
فنان كدة الولد دة كان بيسمع مقطوعات
و كان بيعزف بيانو بمهارة يمكن تتفوق على اكتر مما تحكي عليه التواريخ.
انا ما بافهمش قوي في الميوزيك بس الواد دة كان فعلا
لما بيعزف كان بيغير حالتنا النفسية و حتي و هو في ثانوي كان بيحط مقطوعات
من تأليفه و الغريبة انها كانت بتخلينا نعيط و نضحك و نفرح و نبلم.
ما اعرفش بس فعلا كان رهيب و موهبة عملاقة
و كعادة كل الموهوبين كان شخصيته رقيقة زي النسمة
و لما ابوه حكم عليه بانه هيبقى مستشار ما استحملش
و اتوفى او يعني انتحر بعد موجة رهيبة من الاكتئاب.
هكذا يحدث عندنا في مصر كل يوم ربنا يوزع الارزاق على الناس .......حاكم المواهب دي رزق من عند الله
و لكن الناس تأبى ذلك
الا و لازم ابني يكون دكتور طب يا ستي ابنك عاوز يبقى كهربائي؟
اخص الله يكسفك
......كهربائي......
يا جزمة و انا اللي تعبت معاك و ربيتك و الله لو بقيت كهربائي و لا اعرفك.
و هكذا تجد بلد كلها متركبة غلط الميكانيكي المفروض دكتور
و الدكتور المفروض حرامي
و المذيع المفروض مسجون
و اللواء المفروض بواب
و الوزير المفروض سمكري.
في الاخر
اهو كله علي كله لما تشوفه قله.

6 comments:

فارس عبدالفتاح said...

ايه ده يا عم رفاعة الطهطاوي انا اول قراءت العنوان مقدرتش امسك نفسي من الضحك ايه خفت الدم دي

هو فعلا من المفروض ان الانسان يحدد مسار حياته بنفسه دون تدخل الاهلي لكن في مجتمعاتنا العربية مينفعش فيها الكلام ده يا محمد

Anonymous said...

طيب و الصيدلى
عن نفسي . انا من ابتدائى و عاوز ابقى صيدلي
و اصل الحكاية ان عمى صيدلى و كنت اشوفه واقف بيوزن المواد على الميزان الحساس و اتوهمت قلت بس هى دي

و ادينى بقيت صيدلى الحمد لله

Doctors by night said...

hallo from italy

mohamed hassan said...

فارس باشا
و الله الواسطة دمرتنا و بوظت حياتنا احنا هنروح فين بعد كدة الله اعلم
تحياتي يا ريس

mohamed hassan said...

عماد باشا
كما يقول الامريكان و بعد حمد ربنا طبعا
وماذا بعد؟
ما احنا بقينا صيادلة او دكاترة
هه و بعدين بقى؟
قارنها لو انتا ابن وزير و اتخرجت من معهد الدراسات النفسية الوسطية الافرواسيوية
مين الاحسن ابن الوزير و لا الصيدلي اللي لا مؤاخذة طلع تلاتة ....
طبعا انتا عارف الاجابة
عموما تحياتي و كفاية علينا الصداقة و الاحترام
الحمدلله
يارب عاوزين العدل بقي

mohamed hassan said...

الاخ ديسنووردينيميديسو
ماشي يا عم الاسم الجامد
تحياتنا من بركة السبع الي ايطاليا