Monday, July 13, 2009

اختار طريق

بما اني من اللي رقصوا على السلم فباطلب من اصدقائي هنا تفتوتي برأيكم أعمل إية في حياتي؟
أنا زي ما أنتوا عارفين صيدلي و باحاول اكون الشاب الروش المتعلم و المهاجر برة و كدة.
بس دلوقاي الناس كلها بتفكر في المادة و بصراحة شغلانة الصيدلي دي مش جايبة همها هنا.
مسئوليات و رعب و خوف و الصيدلي مالوش اهمية زي الدكتور و حاجة آخر بتنجان.
و كمان المرتب بعد الضرايب و المصاريف بتلاقي نفسك شحات.
هو الحمدلله انا احسن من ناس كتير جدا
بس المهنة الحرة يعني الواحد لو فتح مطعم او مغسلة
او حاجة كدة هيكسب ان شاء الله قد الصيدلي مرات كتير
بس المشكلة طبعا شغل حر يعني خمستاشر ساعة كل يوم شغل و ما فيش حياة اجتماعية خالص و لا هتشوف مراتك اذا اتجوزت يعني!
و لا عيالك برضة هيشوفوك
مش عارف افضل صيدلي و لا اقلبها بقالة و مطاعم؟
محتاج رأيكوا بجد يا عالم!!!!!!

6 comments:

Anonymous said...

ما حك جلدك مثل ظفرك

إنما هقلك رأيي
إنت بتحب الفلوس أكثر و لا بتقدر مهنة الصيدلي أكثر
؟

لو كنت بتحب الفلوس توكل علي الله و اديها مطعم أو مغسله

لو كنت هاوي صيدلة يبقي ارضي بالي في يدك و خليك زي ما انتا

لو تعبت من المسئولية و الرعب دا

سيبك و خليك في المطعم

فارس عبدالفتاح said...

اولا انا موت على نفسي من الضحك على التعليقات مع الاخ رامي بخصوص التلوث

اهاهاهاهاهاهاهاا

المهم انا من رائي اذا كانت لديك القدرة البدنية والقدرة الذهنية والادراك والوعي وانا متأكد من الاتنين الاخرنيين


اقلب ام الصيدلية وفتح اي حاجة فيها لقمت عيش كويسه

mohamed hassan said...

عماد باشا
الظاهر مهنة الصيدلة خلاص ما فيش منها امل خالص
الواحد كان مفكر نفسه هيبقي
مجرم بس الحقيقة انها ماديا مش قد كدة
عموما لسة هنفكر تحياتي علي رايك و سرعتك في النصيحة
تحياتي

mohamed hassan said...

فارس باشا
انا مستعد للعمل في اي حتة
بس الواحد زعلان على حلم الصيدلة و الكلام الفارغ دة و التعليم و التطوير
و المسئولية الطبية و في الاخر ما فيش حاجة
فلذلك ربنا يسهل و نشوف هنعمل اية
تحياتي يا ريس

واحد من العمال said...

السلام عليكم

مادمت طلبت رأينا فأنا أنصح بالتجاره فى مستلزمات الصيدليات
ولا تبتعد عن تخصصك كثيراً والتجاره مربحه وتحتاج لعقل مبدع ومقنع ولن تعمل طوال النهار وحتلاقى وقت لحياتك الإجتماعيه

وتقبل نصيحتى و تحيتى ومرورى

mohamed hassan said...

تحياتي أخي واحد من العمال
الحقيقة إن موضوع التجارة دة ممتاز برضة
بس انا الحقيقة ما بافهمش في المستلزمات
و البعد عن المجال فعلا مشكلة بس هنعمل اية بس
و انا متقبل لنصيحتك الجميلة و الف شكر اخي العزيز
تحياتي مرة اخري و نرجو دوام التواصل