انا بهذا البوست باحب اوضح حاجة للناس
عشان ما نظلمش بعض٠
انا باشتم صحيح و باقل ادبي في البوستات بتاعتي
بس انا مش بادعو للرزيلة و لا انسان مثلا مختل
لكن دة عادي لاني شايف ان المجتمع ده بقى كدة
و انا على العموم خارج من مجتمع فيه الشتيمة دي موجودة٠
برضة ما قلتش ان الشتيمة صح و ان انا كدة كويس
و برضة مش كل المواضيع شتيمة٠
اللي عاوز يتقبلني كصديق ماشي و على راسنا من فوق
بس نرجو تصحيح الصورة عني٠
انا زي اي واحد فيكم بني ادم عادي بيمشي في الشوارع و بياكل و لا مؤاخذة باعمل بيبي و على فكرة انا كمان مثال لناس كتير
يصفتي صيدلي بقى.
و كمان مسافر برة في اورومبا و الدول المتقدمة٠
باصلي ممكن مش بانتظام
بس باعترف بربنا و الاسلام
و انسان عادي يعني مش حاجة وحشة٠
باصوم زي اي واحد فيكوا و متربي و ابن ناس طيبين مش معقد و لا حاجة٠
بعض الناس بتيجي تعلق و مفكرين ان انا بقى يعني سايب بقى و فاجر
و للاسف انا غير كدة خالص انا هادي جدا
و لاحظوا انا باشتم بس بانصح نصايح صح في كتير من الاحيان٠
مش مهم اخلاقي و لا ديانتي و لا لساني
بص عليا كاخ ليك و انسان و اهدافي اية؟
انا عاوز مصلحتكوا و انا باحب مصر و الناس بتوعها بس٠
اخوكم و بيشتم و قليل الادب
بس اخوكم هتعملوا اية بقى٠
ملحوظة :
واحدة او واحد بيعلق عندي معلش انا مش هاعين نفسي قاضي عليك
بس انا مش عيان نفسيا
فارجوك اقرا و علق و انا هارد عليك
و ارحب بيك بس مش هاقدر انشر معلش
مش عشان انا ملتزم قوي بس عشان العيانين اللي في الشعب عندنا٠
شكرا٠
2 comments:
محمد حسن , من الوهلة الأولي الي قريت فيها مدونتك قلت نفس الكلمة دي "أخويا و بيشتم هعمل ايه بس برضه أخويا " و مع تحفظي علي بعض آرائك إلا إن إحساسي إني أقرأ لإنسان في مكانة أخ لي بيخليني أسوعب أكثر كلامك و أتقبل كتاباتك بكل ود
شكرا ليك
أخوك و زميل في نفس المهنة لكن في الجانب بين العالم الأنتين علي وجه الأرض آل سعود
شكرا لك زميلي و اخي العزيز و نتمني دوام التواصل و ربنا يوفقك و يبعدك عن الظالمين
Post a Comment