Sunday, July 12, 2009

رجوع الشاب إلى نسائه

ما فيش احسن من المصرية كزوجة او اللي عارفة طبعك و حياتك و كل بلد اتربيت فيها لابد لك من زوجة منها
الحقيقة المزز في مصر دلوقتي العملية بتاعتهم بقت صعبة جدا
لان احنا بنربي البنت على انها لبيتها بس و دا بقى مش نافع دلوقتي لان الحياة بقت زبالة زي ما انتوا شايفين فاللي ما بتشتغلش و مأمنة نفسها بيطلع عين اللي جابوها
عموما انا بيصعب عليا لما بالاقي شباب معفن بيستغل ان فعلا في ازمة جواز و يضحك على واحدة غلبانة نفسها تتجوز و يبقى لها بيت
و عموما ربنا بينتقم من الاوساخ اللي بيعملوا اي حاجة وسخة لبنت غلبانة
عموما ربوا عيالكم على الاحترام و بالذات البنت و خليها تعتمد على شغلها و نفسها
بالنسبة للبنات و الولاد اللي ليه نصيب في حاجة هيشوفها يا جماعة و الجواز قسمة و نصيب في الاخر
بيضايقني ان البنت بقت بتعرض نفسها بطريقة مذلة
و اهم حاجة اصلا في الجواز هي الكرامة و خاصة للمرأة اذا ضاعت فسلام على حياة البيت
الله يخرب بيتك يا ريس حنتيرة

6 comments:

فارس عبدالفتاح said...

الريس حنتيره معندوش فكره ولا عيال الريس حنتيرة ولا جران وحبايب ومحاسيب وخدم الريس حنتيره

وهو فعلا البنات دلوأتي أربوا يعرضوهم على الارصفة

mohamed hassan said...

فارس باشا
و الله الناس تعبت و اللي فوق و لا هو هنا
و مريح نفسه و بقية الشعب مرمي في الزبالة
المهم المدام و الاولاد
عادي ربنا يسهل للجميع
تحياتي

Anonymous said...

أرق التحيات وخالص الامنيات للعزيز محمد حسن
اما بعد
ياعم ارحم ميتين ابونا بقي وظبط ام البوست بتاعك !...يعني السطر الاول يختلف جذريا عن السطور التي تليه وكليا عن اخر سطر بس دي عادي لكن الطلعه الاولي مش هسامح فيها هههه...مش عارف بس السطر الاول تحسن انك كاتبه تحت تأثير صابونه ما او صفعه ما خلتك تقول مافيش احسن من بنت بلدي..مقرفه بس بحبها ..مش استايل بس من توبي..وما المرأه في مصر الا الاخت والام وبنت العمه وبنت الخال واللي مالوش خير في اهله مالوش خير في مصر

just kidding ya man , Have a nice day :D

ramy

mohamed hassan said...

العزيز رامي
ماشي يا ريس و الله هااحاول اظبط البوستات دي
بس بتفلت مني دايما الكلمات و انا باكتب
عشان كدة الصوت احسن
المهم تحياتي يا باشا و فينك على الفيس بوك
مش باين خالص

ramywhynot said...

بتتهرب من تسأولاتي ..بس عادي

طيب عاوزين نسمع صوتك بقي

فيس بوك ده تضييع وقت..بس يعني بدخل اشوف فيه رسايل جديده مافيش خلاص بخرج بطلت بقي انكش في خول منها واتريق علي فاتوره من هناك ...بكبر دماغي ... انت ايه رأيك في تجربه الفيس بوك عموما؟؟

mohamed hassan said...

رامي باشا
انا مش باهرب و الله من سؤالك
بص هو البنت الاوروبية مهما كان هتكون اجمل بمراحل من
المصرية و العربية و اللي يقول غير كدة يبقى عنده مشكلة
بس المصرية مهما كان عارفني و عارفة طبعي
و دي حاجة كويسة و عظيمة
انما الاوروبية هتعذبك لانك غيرها و هي غيرك دة ببساطة تفسير الموضوع دة
لكن عموما برضه في ناس بتنجح في جوازاتهم مع اوروبيات و بيبقوا زي الفل
انا بقى عاوز واحدة مصرية من اللي بتنزل الترعة تملا القلل
يا سلام ما فيش احسن من التلوث
ادعيلي الاقي واحدة ملوثة كدة و كلها توكسفين و المية بتاعة مقر جابتلها تسلخات
هاهاها
الفيس بوك كويس بس يا عم عاوز وقت موت
تحياتي