Friday, July 17, 2009

كيف تصبح مشهوراً و بربوراً

في بلدنا ممكن ترسم لنفسك طريق الشهرة بحركات قرعة بس عاوز مساعدة كام واحد قريبك و تبقى اشهر من نار على علم.
و اللي عملها صح هو عماد اديب و عائلته
كل ما يتكلموا على عماد أديب يقولك الأديب و المفكر و المثقف و اللي ما حصلش ا/ عماد أديب
و صراحة أنا مش شايف له أي دور غير تكريس الإستهبال و الصياعة في خلط البزنس بالفن و الأدب
و عماد الدين أديب لمن لا يعرف هو سمسار و صاحب خبطة بيع كل تراث مصر السينمائي للخليجيين.
فكانت ضربة معلم و قناص محترف يعرف كيف يأتي بالقرش من فم الأسد.
عموما هما العيلة دي بتخلط المواضيع فتخليك محتار بس في الآخر هما بيطلعوا بالقرش و خلاص و دي أهم حاجة.
عمرو أديب مثلاً لما بيتكلم على حسني مبارك تحس مثلاً منافق بيتكلم إحترامات و سلامات و نفاقات بنت كلب.
و بعدين يعملك شوية على العيش و المية و الظلم يا حرام و الناس.
و يجيبلك آراء عبيطة من أي مجنون
بيلاقوه في مصر
و الدنيا ماشية و السبوبة ماشية و آخر حلاوة
عاوز تبقى مشهور
خلي خمسة ستة من عيلتك يتكلموا عليك بصفتك المثقف و اللي ما حصلش
و لما تقعد مع الناس اتكلم بألاطة و بيّن إنك بتفهم الكفت
بس ..……خلاص

2 comments:

فارس عبدالفتاح said...

اولا فعلاً انا اتفق معك في موضوع سفنجة على السريع بتاع طعم الفشل في مصر انا بعد خبرة لا بأس بها اقلك

في مصر الواحد لما يجد اي امل في اي شيء يعني شغل في شركة شكل في هيئة حكومية لقمة عيش في حاجة خاصة بيكون الامل الاول والاخير

بمعنى لو فاكر فيلم عبود على الحدود لما سألوا عزت ابو عوف لما عرض عليه الفلوس وقال له عشان تبدأ من الصفر

فرد عليه علاء ولي الدين وقال له اذا عرفنا مكان الصفر اساساً


فقله المهم زميلك الرابع يوافق وكان يقصد الصعيدي فقال له مصر كلها هتوافق لو شافوا اللى احنا فيه يا فندم

اهاهاهاهاهاهاهاهاهاهاهاه

فالذي يكون قد وجد عمل او طريقة لتحصيل المال هذا بمثابة انه عرف مكان الصفر

سواء اكان هذا المال كثير او قليل فهو وجد اول الخيط وسط تلال من الفشل وركام من اليأس واطلال من الضجر من هذه الاشياء

فلما يضيع طرف هذا الخيط لا يجد امامه الا هذه التلال والركام والاطلال

وعليه ان يبحث بين كل هذا ليجد طرف خيط جديد فيكون الاحساس النفسي او الشعور الوجداني محطم ومطحون في وسط ريح عاصفة


اما عن موضوع اديب وامثله مثل عادل امام وغيرهم كثيرون او كثيرين

فهم نتاج سياسة الانتفاح التى جلبت علينا معظم الكوارث التى نعاني منها

ولن اتجنى كثير علي هذه السياسة بس اسلوب الفهلوه بتاع السادات اصبح فكر وايدلوجية حقيرة يستخدمها كل من يريد السلطة والمال

هذا في حد اعتقادي

mohamed hassan said...

فارس باشا
شكراً على توضيحك الجميل
و فعلاً يا أخي الفشل في مصر فشل ذريع و مروع و بيبقى
فعلاً زي ما يكون نهاية العالم لأن زي ما إنتا قلت هي فرصة
واحدة و يا صابت يا خابت
بس خابت في مصر معناها خابت إلى حد بعيد و مدمر
معلش برة برضة في حنية شوية و دلع ما حدش بيتنفخ زي بلدنا
بس الحمدلله على كل حال و الله الموفق
عموما ربك الستار و احنا كلنا بندعي ربنا ياخد شعوبنا و يريحها
اهو احسن ليهم من البهدلة
تحياتي