لما كنت باشوف أفلام و أقرا التاريخ عن أيام العبودية و ان ممكن تشتري بني آدم و تخليه عبد عندك بشوية قروش كنت باحمد ربنا إن مافيش عبودية دلوقتي
بس حظي الزفت إني باشوف دلوقتي رجوع العبودية و إستغلال حاجة البني آدمين
يا عالم ياهوه في بني آدمين في الخليج بتعيش بالف ريال في بلاد الحراميين.
طب بلاش دي عقد صيدلي في الكويت اللي هما يعني يهود العرب و اوعى وشك و الكلام الجامد
عارفين كام ٤٠٠ دينار و منهم هتصرف و تاكل و تشرب و تعيش بقى
يعني من الآخر .....a7a
الظاهر ان في حياتي القصيرة على هذا الكوكب هنشوف مصايب و انهزام و تراجع البشرية تاني لعهد العبيد
أنا حزين لينا و ليكم و لبلدنا و للعرب الجرب
هو دا آخرنا يعني كدة؟
4 comments:
دست علي الجرح
في السعودية
عقود الصيادلة تتراوح بين 2800 : 3000
و ساعات العمل من 10 : 12 ساعة
و الأجازة جمعتين في الشهر أو لا أجازات يعني يعمل الأربع جمع
مدة التعاقد من 1 : 2
تخيل إنسان بيعمل 12 ساعة يومياً بدون راحة أسبوعية!
و ضغط زباين كثير
و قلة أدب و وقاحة منهم بشكل يفوق الوصف
و كراهية للمصري و إستعلاء و تكبر في التعامل معهو جهل لا يوصف من السعوديين المترددين علي الصيدليات
و المشكلة برضه في الصيدلي لأنه هو الي ضيع قيمته
المطلوب هنا في السعودية من الصيادلة كثير لكن الصيدلي بيرخص نفسه
تلاقي واحد قبل عقد مش علي 2800 لأ دا علي 2000 ريال
لأن البيه بيحسبها بالمصري و يقول 2000 ريال يعني 3000 جنيه مصري و هما هيوفرولي سكن و آخري أصرف 200 ريال و أبقي نغنغت عيشتي
و يكتشف إن مصاريفة الفردية في الشهر من 800 : 1000 ريال
و علي ذكر السكن
أغلب الشركات هنا بتوفر سكن جماعي للصيادلة
تخيل 3 أو 4 في غرفه
و شقة 4 غرف
و أوقات كثير بيسكن معاك عمال نظافة الصيدليات من هنود و بنجال
أما الشركات الي بتصرف بدل سكن فبيديك مثلا من 6 : 10 الاف ريال
و أقل سكن للمتزوج في مدينة زي الرياض و في أدني و أسوأ مكان فيها و هو المنفوحة بيكون حوالي 12 ألف ريال في السنه و انت طالع
يعني لازم تضيف من جيبك ما بين 4 : 6 الاف و انت طالع
و عن الانتقالات فالمواصلات هنا غالية موووووت
اقل مشوار يكلفك 10 ريال
مع ان العربيات رخيصة و البنزين زي الميه!!
و برضه احنا الي بنرخص نفسنا عشان اتعلمنا ان مالناش قيمة و عشان كمان اتعلمنا الانانية فأنا و من بعدي الطوفان
طيب هقلك علي شئ
وزارة القوي العاملة في مصر مشترطة علي اي صيدلي يرديد اجازة لتحسين دخله بالعمل بالخارج تقديم عقد أساسي الراتب فيه لا يقل عن 4500 ريال
تلاقي الصيدلي من دول يتفق مع الشركة الي هو هيسافر عليها يدولة عقدين واحد ب 4500 ليتم تقديمة للجهات المعنية و الا لن يسمح له بالسفر و عقد تاني من أبو 2800 و دا الي هيسافر عليه!
و تلاقي بنود مجحفه و مخالفة لقانون العمل السعودي و البهوات بيجوا برضه متذرعا بالحاجة و انت ما تعرفش الوضع في مصر ايه؟
يعني قانون العمل يمنع صاحب العمل من تشغيل الموظف أكثر من 8 ساعات و لو توجب تشغيله اكثر من 8 لابد من احتساب ساعة العمل الاضافية بساعة و نصف
كذلك من حق العامل علي صاحب العمل انه يتحمل تكاليف استخراج الاقامة و ما يليها
و تلاقي البيه موافق انه يتحمل كل دا
فيخصموا من راتبه شهريا 200 ريال بحجة ان دي مصاريف الاقامة و الاختبارات و التحاليل
يعني الراتب ابو 2800 بقي 2600
يبقي العيب في مين
و علي فكرة تلاقي الي بيدل السعوديين علي الثغرات دي و علي الوضع في مصر , المصريين المديرين نفسهم
وهو الي غالبا بينزل مصر يحط رجل علي رجل و يشخك و ينطر و هو بيجيب الصيادلة
اقلك ابه ولا ايه بس
يالا شكرا ليك
عماد باشا
و الله يا عماد انتا وضحت الحقيقة من غير رتوش
العملية عاملة زي تفاعل نووي مالوش حد خلاص وصلنا الكتلة
الحرجة و التفاعل بدأ و الإنفجار لازم يحصل
بس للأسف كلنا هنتضرر و ناس كتير هتروح في الرجلين
ربنا يستر يا ريس
تحياتي
و فيه ناس مش بتاخد مرتبها لكذا شهر ورا بعض
و تعيش على الصدقات لغاية ما صاحب الشغل يحنن عليهم و يدفع و مش كل المتاخر كمان
عماد باشا
طب و اية الحل؟
مش عارف نعمل اية طيب
Post a Comment