كل أما أبص على شغل الاوروبيين و مدى نضافته بأزعل على غبائنا و فهلوتنا كلنا مش مصر بس بل كل العرب الجرب
بس مصر بالذات زعلي عليها أكبر لأنها أولاً بلدي
تاني حاجة لأنها بعد تجربة ناصر كان في إحتمال و لو صغير ننجح في يوم ما
طبعا ساداتوا جه و ضيعها و جه بعديه المعلم اللي هدها و طربقها بنطاعة و استنطاع و لزق نفسه في الكرسي لزقة بنت ستين كلب
التقدم مش وهم و لا خيال و لا حاجة صعبة و مستحيلة
بالعكس دا حاجة سهلة و انيقة و نضافة و شياكة بنت لذينة
تحس و انتا بتعمل الشغل انك واد مفتري كدة و انتا بتؤدي خدمة باحدث اجهزة و طبقاً لقانون معين و حاجة آخر ألاجة.
طب هاقولكوا على مثل النهاردة عجبني قوي مش كتير هيفهموه
زبون دخل بروشتتين الصيدلية و الروشتة لشخصين من نفس العيلة و عندهم نفس المرض و دكتورين مختلفين من مكانين بعيدين عن بعض
تبص على الروشتتين نفس الدواء و بنفس طريقة البحث و نفس الجرعة و حاجة آخر جمال
دكاترة قامت بواجبها بحثت و جابت الدواء الصح و جرعة مظبوطة و حاجة تخلي الواحد سعيد و فرحان بالتعامل مع بشر كدة.
عندنا في مصر يبقي نفس المريض و نفس الدكتور و كل مرة يكتبلك دوا غير التاني و جرعات غير محسوبة
و اللي يكتبلك بول الحمار و اللي يكتبلك رقية شرعية و عسل النمل و فسية عفريت محلاوي و حاجة آخر بضان
التقدم سهل و بسيط بس عاوز ردالة
و احنا شعب مش ردالة ياولاد الردالة
تحياتي
4 comments:
اهاهاهاهاهاهاهاه
ايه فسية العفريت دي
فيه فعلا حاجة اسمها فسية العفريت
مساء الفل يا ريس
فسية العفريت دي أهم إختراع لعلماء السعودية الكبار
إخترعوا فسية العفريت
و حيروا بها العالم
و دا أهم دوا موجود هناك
و بيستخدم على نطاق واسع في الشعب
لذلك تجد السعودي شبه العفريت من كتر الفسا اللي بيتعالج بيه
تحياتي
كلامك من واقع وجودي هنا في السعودية في محلة
السعوديين بيجروا ورا السراب و لو استهبلت و عملت دوا زي فسية العفريت دا و عملت له دعاية جيدة خصوصا علي المنتديات النسائية ,, هتلاقي إقبال منقطع النظير
طيب اسمع دي
أخت الكفيل بتاعنا , باين عليها فاضيه
فمن باب التسلية الحريمي راحت عاملة خلطة من الزيوت العجب , ما نعرفش ؟
تركيبها ايه
يعني لا تركيب دستوري و لا برنجاني
و ريحة الزيت تقرف الكلب الأقرع
و مسمياه نيلوفير
و بتبيع العلبة ب 175 ريال سعودي يعني حوالي 250 جنية مصري
و هتلاقيها في الآخر حاطة زيت خروع علي زيت جرجير
و عاملة دعاية علي منتديات الحريم السعوديين
و حاطه الزيت في الصيدلية
دكتورة بقي
وبيع يا معلم
اقبال كبير
يمكن خلال شهر بايعين 20 عبوة
لما حد بيسألني بقله معرفش أصلا دا ايه ؟
و لسه مثلا اليوم واحدة جاية تسالني علي سم الجرة ؟؟؟
ايه يا ست دا ؟؟
تقلي ما تعرفه شكلك ما تعرفه لكنه موجود في الصيدليات
طيب دوري يا ست الفالحة
--
واحد صيدلي جنبي معدوم الضمير بيلعب علي وتر الوهم بتاعهم دا
بيروح يجيب عسل و يبيعهولهم لتحسين الإنتصاب
و تخيل مسميه ايه
عسل الرهوان
زي فيلم الواد محروس بتاع الوزير
الزبون السعودي الدهل من دول يشتري العسل علي انه شئ طبيعي من النحل لتحسين الانتصاب
و النصاب , الصيدلي
حاطط فيه حبتين فيجا تركيز 100 و حبتين ترامادول!
الفجيا ممنوعة من التداول هنا مفيش غير فياجرا
و تخيل بيبيع العبوة بكام ؟ بخمسين ريال جرعة واحدة
دا غير خلطة للتسمين لأن الحرمة هنا هتموت و تسمن قبل الجواز ثم هتموت و تخس بعده
و تلاقيها تيجي تقلك عاوزة خلطة تسمن في خلال أسبوع ؟؟
زي ما بقلك كدا ما تستغربش
النصاب اياه راح عمل لهم خلطه كدا
خد بالك من جهلهم هم الي ادوه الفرصه
الخلطة عبارة عن عسل برضة و شوية فزدق و لوز و جوز
و الكارثة
علبة كاملة من أوراديكسون 1.5 ملجم كورتيزون طبعا
زائد علبة كاملة من البيرياكتين
ولغي يا حرمه خليكي تسمني و تتعلفي عشان لما ييجي موسم التزاوج تعجبي الدكر
مش محتاجه شرح ان الكورتيزون هيعمل لها اوديما و حكاية اوديما وجه القمر المعروفة
طبعا هي مبسوطة و دي قول لدي علي الخلطة العجيبة
صيدلي نصاب + و شعب جاهل يقتله الفراغ و الرفاهية
النتيجة خيبة بالويبة
يا عمدة
إنتا المفروض تكتب مذكراتك على المصايب دي
و الله دانتا لو كتبت الكلام دة في كتاب هيبيع يا عمدة
و الله باكلمك جد
أنا مش عارف يا دكتور إنتا مستحمل البشر دي ازاي
ربنا يعينك يا دكتور
تحياتي العظيمة لشخصك القوي في بلاد العالم..... و لا بلاش نتكلم كلام وحش
Post a Comment