مافيش مرة
مافيش لاعب واحد قال للريس و الله الناس تعبانة يا ريس.
اللي بيفوز في مصر الأيام دي أو بيعّدي زي الواحد اللي بيفوز باليانصيب أو اللوترية ... بيبقى واحد فاز بكام مليون و عدّى و خلاص مالوش دعوة بحد تاني.
عارف إية الفرق بيننا و بين فرنسا؟!
إن فرنسا جه فيها ناس ربنا إداهم و غناهم بس كانوا بيحبوا بلدهم أكتر لذلك سعوا لمصلحة الناس و إتكلموا في مصلحة الناس.
ما أعرفش هل هي رشوة من الحكومة حتى يسكت الناس بس نظرة واحدة على اللعيبة تخليك تعرف إن عمر ما واحد منهم هيفتح بقه قدام أي مسئول.
هو مبدأ ( إطعم الفم تستحي العين)
نعم و ربما و لن أكذب عليك بمثاليات و أقول سأتكلم لو كنت مكانهم عن عم شحاته المريض بالكبد و بهدلته على باب المستشفى الأميري.
أو طابور العيش الأسود أبو ربع جنيه؟!
هل سنرى بني آدم واحد يقول قولة حق في وجه التاريخ و أمام حاكم متفرعن؟!
ربما لن نرى فالكل يقدس العجل المعبود في ذلك البلد و يحش له كمان.
هل أتكلم عن نخبة مشهورة لا بل أنا و أنت إذا وضعتنا الظروف أمام الشهرة و الفلوس أكيد سنضعف أمام العربة المرسيدس و الشقق الفاخرة. و قليل من المزز الجامدين.
2 comments:
كل واحد خايف علي اكل عيشه
بس عارف لو يسكتوا و يسكتوا خالص
يعني زي ما هم خايفين يتكلموا و يقولوله الناس تعبانه مُله يا ريس
يسكتوا برضه و ما يقعدوش يفلقونا باسطوانة الأب الرؤم و الأم الحنون الريس أبو الغلابه و العجايز حسني مبارك
إلا تلاقيلك حسن شحته عمال يأفلم و يقلك كله ببركة الريس و عيال الريس نفسهم معانا بالدنيا , أيوه قال كدا في لقاء مع محرر اليوم السابع
و تلاقيلك عمك ابو الشبابير نازل مسح جوخ برضه
راخر الواحد بيكون بيتفرج و حاسس انه محتاج كيس رفع خصيه
لكن اني الاقي حد لعيب يتكلم و لا حاجه انسي
عارف الموقف الي انت بتحكيه دا قريب الي حد ما من موقف صنع الله ابراهيم الروائي المعروف لما حبوا يلجموه و مبدأ اطعم الفم تستحي العين
قرروا يدوله جايزه محندقه كدا
و هيصه بقي و احتفال
الراجل راح عادي جدا
وقف قدام الكاميرات و الاعلام
وقال :"إنه ليسعدني أن تم اختياري لتلك الجائزة، ولكني أعتذر عن عدم تمكني من قبولها إذ تأتي من حكومة لا مصداقية لها".
أوبا وقع الوزير في حيص بيص و وشه جاب الوان
حكومة لا مصداقية لها يا نهار بندقي!
عمنا فاروق أبو الاحسان حب يعمل نفسه فاهم
فقال للصحافه يبدو ان صنع الله رفض الجائزة لانخفاض قيمتها المادية بالمقارنة بجائزة اخري قبلها صنع الله اسمها جائزة العويس
طبعا كلام فاضي و رد عليه صنع الله و قال انه لا يقبل اي جوائز من اي حكومة و جائزة العويس جائزة ممنوحة من فرد و ليس حكومة
فلا نامت أعين الجبناء
طبعا أنا عماد
مشكلة كبيرة فعلاً يا عمدة
ما فيش مرة ...... مرة واحدة حد قال ووقف شوية و فكر
و نظر إلى الغلابة و هو ماشي في الشارع و راح في وسط الحرامية
و قال في وش الكاميرات ....... حرررررررررام
و لا واحد قال في وش الكبير يا باشا انتا حرامي و ولادك كذلك
ما فيش حد عاوز يضحي كله خايف و مرعوب و عاوز يعديها
لذلك حقيقة لا تنتظر أن نخرج أبداً من مصيبتنا
لأن نخبتنا و مثقفينا ولاد كلب و جبناء
لأن كل اللي على الوش حرامية و بياكلوا و ساكتين
ياللا الحمدلله
تحياتي يا باشا
Post a Comment