مافيش مرة
مافيش لاعب واحد قال للريس و الله الناس تعبانة يا ريس.
اللي بيفوز في مصر الأيام دي أو بيعّدي زي الواحد اللي بيفوز باليانصيب أو اللوترية ... بيبقى واحد فاز بكام مليون و عدّى و خلاص مالوش دعوة بحد تاني.
عارف إية الفرق بيننا و بين فرنسا؟!
إن فرنسا جه فيها ناس ربنا إداهم و غناهم بس كانوا بيحبوا بلدهم أكتر لذلك سعوا لمصلحة الناس و إتكلموا في مصلحة الناس.
ما أعرفش هل هي رشوة من الحكومة حتى يسكت الناس بس نظرة واحدة على اللعيبة تخليك تعرف إن عمر ما واحد منهم هيفتح بقه قدام أي مسئول.
هو مبدأ ( إطعم الفم تستحي العين)
نعم و ربما و لن أكذب عليك بمثاليات و أقول سأتكلم لو كنت مكانهم عن عم شحاته المريض بالكبد و بهدلته على باب المستشفى الأميري.
أو طابور العيش الأسود أبو ربع جنيه؟!
هل سنرى بني آدم واحد يقول قولة حق في وجه التاريخ و أمام حاكم متفرعن؟!
ربما لن نرى فالكل يقدس العجل المعبود في ذلك البلد و يحش له كمان.
هل أتكلم عن نخبة مشهورة لا بل أنا و أنت إذا وضعتنا الظروف أمام الشهرة و الفلوس أكيد سنضعف أمام العربة المرسيدس و الشقق الفاخرة. و قليل من المزز الجامدين.
Thursday, February 11, 2010
Sunday, February 07, 2010
مستشارين يا أخي هئ
حلقة عن تعيين المستشارين في مصر
و المعروف طبعاً إن المستشارين بييجوا في كل وزارة في مصر لنهب و أكل فلوس بالحرام
و كذلك لإيقاف تعيين الشباب و تعذيبهم ببشر عواجيز و كراكيب.
البلد بقى شكلها عجوووووووووووز
يا أخي البشر متحللة و لسة ماسكين في مكانهم
اتفرجوا و قولوا رأيكم؟!
رأيكوا في الأتة المحلولة اللي إسمها المستشارين
و المعروف طبعاً إن المستشارين بييجوا في كل وزارة في مصر لنهب و أكل فلوس بالحرام
و كذلك لإيقاف تعيين الشباب و تعذيبهم ببشر عواجيز و كراكيب.
البلد بقى شكلها عجوووووووووووز
يا أخي البشر متحللة و لسة ماسكين في مكانهم
اتفرجوا و قولوا رأيكم؟!
رأيكوا في الأتة المحلولة اللي إسمها المستشارين
ميم المعارضة و ميم أخرى
هناك من يكتب أسمه قبله حرف تعريف كحرف الدال مثلاً للدلالة على دكتور أو حرف السين دلالة على سباك.
كان لي صديق يكتب قبل أسمه حرف العين في الثانوية العامة و كان يقول أن معناها عالم و لكن بعض الأصدقاء الأعزاء ... الحقيقة توبوه و فهموه إنها معناها بعيد خالص عن العلم و أخرجوا له كلمة تبدأ بالعين و تدل على ال...... ممكن نقول ميوعة و دلع في غير محله.
عموماً في هذا الزمن الأغبر تجد أشخاص على رأي جلال عامر يضعون ميم معارض قبل إسمهم و هي في. حقيقة الأمر معناها ميم لا مؤاخذة واحد تاني بيسهل لواحد تاني....... العمليات. زي اللي لا مؤاخذة بيقولوا عليه في مصر بقرون كدة.
أعرف واحد صاحبنا يضع هذه الميم على صدره و عامل فيها شبيح و نازل شتيمة في سلسفيل الحكومة و رئيس الوزرا و هو قاعد مرة معانا واحد قاله لما كان هيبتدي فاصل التهجيص ما تشتم في اللي جاب الوزرا فحصل موقف عارف زي موقف ابراهيم و النمرود لما قاله الشمس بتطلع من الشرق هاتها من الغرب ( فبهت الذي كفر) الواد ساعتها سكت و هدي و بقى مسالم خالص.
كذلك معارضي الفضائيات و مذيعيها بيشتموا النتايج و سايبين السبب.
بيتشطروا على نظيف و سايبين اللي جابه.
بيتكلموا على المشكله و بيسيبوا الحل الرئيسي.
الحقيقه أن المشكلة معروفة و القرون واضحة و الناس ضايعة و هابلة.
عموماً في ناس من المعارضة فعلاً تستحق الميم اللي بنقول عليها ميم.... مع.... لا مؤاخذة.
كان لي صديق يكتب قبل أسمه حرف العين في الثانوية العامة و كان يقول أن معناها عالم و لكن بعض الأصدقاء الأعزاء ... الحقيقة توبوه و فهموه إنها معناها بعيد خالص عن العلم و أخرجوا له كلمة تبدأ بالعين و تدل على ال...... ممكن نقول ميوعة و دلع في غير محله.
عموماً في هذا الزمن الأغبر تجد أشخاص على رأي جلال عامر يضعون ميم معارض قبل إسمهم و هي في. حقيقة الأمر معناها ميم لا مؤاخذة واحد تاني بيسهل لواحد تاني....... العمليات. زي اللي لا مؤاخذة بيقولوا عليه في مصر بقرون كدة.
أعرف واحد صاحبنا يضع هذه الميم على صدره و عامل فيها شبيح و نازل شتيمة في سلسفيل الحكومة و رئيس الوزرا و هو قاعد مرة معانا واحد قاله لما كان هيبتدي فاصل التهجيص ما تشتم في اللي جاب الوزرا فحصل موقف عارف زي موقف ابراهيم و النمرود لما قاله الشمس بتطلع من الشرق هاتها من الغرب ( فبهت الذي كفر) الواد ساعتها سكت و هدي و بقى مسالم خالص.
كذلك معارضي الفضائيات و مذيعيها بيشتموا النتايج و سايبين السبب.
بيتشطروا على نظيف و سايبين اللي جابه.
بيتكلموا على المشكله و بيسيبوا الحل الرئيسي.
الحقيقه أن المشكلة معروفة و القرون واضحة و الناس ضايعة و هابلة.
عموماً في ناس من المعارضة فعلاً تستحق الميم اللي بنقول عليها ميم.... مع.... لا مؤاخذة.
Friday, February 05, 2010
أحب البشر
أنا أحب البشر و أكره الحكومات
أكره التعقيدات و الأوراق الثبوتيه ككره
الحمير لعصايه العربجي.
كم أكره المطارات و نظرات المسافرين أو
الموظفين على السواء.
أكره نظرات المضيفات الغربيات لذلك
العربي التائه بين طوفان الغربيين.
لا لم تعد المطارات مرحبة بالغرباء و
خاصة في بلاد الجرمان و الأعاجم.
و لله كم أحب تعامل البشر الصادق داخل
البلاد.
فلا تجد تلك النظرة الرسمية المقرفة و
إحساس الغريب المروع.
هناك العواجيز الذي يدخلون للصيدلية
لشراء أدويتهم و كيف يتضاحكون و يحيونني
عندما نلتقي مصادفة في الشوارع هاهنا.
هنالك دفء ما حينما أتعامل مع بشر تثق
فيّ و تعاملني كالآخرين.
لو لم توجد هذه التعاملات و الأحاسيس
البشرية لما سافرت و لما تنقلت أبداً.
هنالك أيضاً بشراً من الذين يتطوعون
للحديث و الحميمية ربما بدافع الفضول و
ربما بدوافع الحب و البحث عن شريك
للحياة مختلف.
كوكتيل من البشر و التعاملات و صداقات
تنشأ و الحمدلله على كل حال.
و أخيراً هنالك يد الله و هي يد فعلاً
خفية و لكنها نعمة كبيرة ، أحس لحظات في
ترتيبات الظروف و تريبات الزمن كم كانت
حنونة تصاريفه فلم تقسو بشدة و لم تمنح
بكثرة بل بين بين حتى تظل النار متوقدة و
حتى تظل شعلة العقل مشتعلة. ربما لا أعلم
ما هي الغاية النهائية و لكني و الحمدلله
وصلت لمرحلة الرضا و عدم الندم.
بلادي الآن تتحولالى أماكن مغلقة رسمية
لم يعد البحر ملك الماشي على الشاطئ.
بل صار كل مالك وحدة ما صاحب البحر و
مالكه و مانع البشر من رؤية بحر الله.
و كذلك صار النيل مخنوقاً بين عمارات
شكلها مقرف و عالية و مانعة للهواء و شمس
الله الذهبية على صفحة النيل العظيم.
أتذكر حين ذهبنا لزيارة صديق في مارينا
البحر المتوسط فإذا بهم صنعوا بوابة
كمطارات الغرب تمنع البشر الغلابة و
الفقراء و غير المرغوبين.
للأسف كلما وجدتني أحسب إحتمالات الفقير
في مصر النيل أجدني أصاب بالتشاؤم لأنها
لا تتعدى الصفر أبداً.
Sunday, January 31, 2010
أرخص سعر للمكالمات الدولية من واقع خبرتي المتواضعة
مقال تقني بحت
about VOIP
كيف تتصل من أي دولة في العالم بأرخص الأسعار؟
الآن على سبيل المثال التاريخ هو 31.01.2010
و سعر المكالمة الدولية لمصر حوالي خمسة سنتات من اليورو أي حوالي اربعون قرشاً مصرياً من أي مكان في العالم طالما لديك اتصال بالانترنت و بصوت ممتاز الجودة.
و أيضاً يمكنك استعمال جهاز تليفون منزلي عادي للاتصال كما سيلي في الشرح.
كما ان العديد من دول العالم باوروبا و امريكا الخطوط الارضية لديهم يمكنك الاتصال بها ببلاش.
ازاي بقى؟!
بص يا سيدنا الموضوع بمنتهى البساطة كالآتي .
روح الموقع دة
و شوف ارخص شركة بتدي مكالمات لبلدك مثال مصر هتلاقي
بتقدم الدقيقة الارضي او المحمول بخمسة سنت من اليورو.
طب المفروض تعمل اية ؟
تروح رايح على موقعهم و تنزل البرنامج بتاعهم عالكومبيوتر و بعدين تشتري كارت بعشرة يورو اول مرة هتقول ما عنديش فيزا هاقولك ما فيش مشكلة يا معلم. تروح رايح على اي ويسترن يونيون بس يكون ليكI.D لدى الشركة تلك و تشتري بفلوسك العادية بتاعة البلد اللي انتا فيه القيمة اللي انتا تحبها.
واحد عيقولي طب ما لازم كومبيوتر هاقولك لا يا فالح ممكن من الكومبيوتر او من جهاز تليفون ارضي عادي بس لازم يكون عندك الجهاز دة توصله بالنت و بعدين توصل بيه جهاز تلفون ارضي عادي
و طريقة تشغيله بقى تقرف شوية فلو حد اشتراه ابقى علق عندي و انا هابقى اتصل بيك اقول لك و خلاص اريح من الكتابة
و الاحسن كمان انك ممكن تحط الخط دة كمان على موبيلك لو الموبيل حديث و فيه اتصال سريع بالنت تروح حاطط عليه مثلاً
برنامج زي دة
و بعدين تروح لل settings بتاعه و تحط حسابك هناك و بكدة يا معلم تتكلم من موبيلك بسعر رخيص موت و انتا في اي حتة.
ما تنساش تبقى تشكرني لو اشتريت من الخدمات دي عشان انا اللي قولتلك يا جزمة.
و ما تنساش تتابع الموقع اللي بيقارن الخدمات
عشان تعرف ارخص الاسعار دايماً
Wednesday, January 27, 2010
Friday, January 08, 2010
هتقلع يعني هتقلع
في سابقة لم تحدث في التاريخ و لكثرة الشكوك المثارة حول المسلمين و بعد إثارة أن أحدهم كان ينوي تفجير طائرة ما.
سيذكر التاريخ أن هذا الجهاز الذي تدخل منه. لابس هدومك فإذا بك تظهر عريانا كما زلطتك الحاجة الوالدة.
تدخل منه المرأة فتظهر بروز و زوايا و جوانب خفية.
إلا أنني و طبقاً لقانون الكوميديا السوداء و إيماناً مني بأنه ليس بإيدينا شيئاً و أنهم لو حكموا علينا أن نمشي على أربع سيحدث ذلك بإذن من عند ربي.
فإنني أشفق على موظفي المطارات الذين سيروننا عرايا كما ولدتنا أمهاتنا.
فنتيجة للطواجن و حلل المحشي و السردين و الملوحة و العيش المرحرح و تسمم الأكل و الهوا و نتيجة للأكل من المجاري الى الطبق مباشرة.
كذلك نتيجة للمش و البدنجان المقلي المتغرق في التوم و أطنان الزيوت المهدرجة المغشوشة و الفول المسوس و اللحمة المستوردة و الطيور المتكهربة و كل عجائب و مصايب الأكل التي هبرناها عبر التاريخ فقد حدثت لنا تحولات جينية و تخلخلات رئيسية سيعجب لها الناظر قبل الفاحص.
تخيل معي أخي القارئ -أعزك الله - واحدة زي جارتنا أم حسن داخله هي و عيالها عالمطار و معاهم حلتين محشي و آجارين بطاطس و شوية فراخ يمزمزوا فيها على مالرحلة تنتهي.
لمعلوماتك هذه جارة لنا جوزها مدرس خصوصي لغة فرنسية بيكسب مكاسب رهيبة و في حياتي لم أر بشر تأكل بهذه الطريقة. إذ لابد دوماً من سنكوتش كفتة و إزازة حاجة ساقعة. أو مثلاً لو إنتا نازل تتفسح فلابد من شوية محشي و كيس كشري و ربع رطل ممبار عالماشي.
لابد لك من أن يظل بقك لاعباً و ماضغاً و هاضماً و أنت جالس زي ما بتتنفس لابد تاكل أمال إية بقى متعة الحياة الدنيا؟
تخيل أن تكاوير و زوايا و بروزات البشر ستظهر على هذه الأجهزة.
بعيداً عن السخرية فإن معظم تكاوير الشعوب العربية زي الزفت لأن لا في حد بيلعب رياضة و لا بيجري و لا بيتنيل بنيلة.
فهتلاقيهم هيقرفوا مننا أكتر و أكتر.
سيرون أيضاً ما جنيناه على أجسادنا من أرطال اللحوم و الشحوم و الكروش و القرف اللي ماله آخر.
عموماً
موضوع هذه الأجهزة خطير جداً و كذلك أن التمييز الذي سيواجهه المسلمون و العرب سيكون مروعاً.
الموضوع دخل في الجد إما أن نجد حلاً و نعمل و نصنع كرامة لأنفسنا و أيضا ننظر لداخلنا و لماذا يوجد لدينا ارهاب ؟
و يجب أن نتبنى نظرة حقيقية للدين و دروه و نبعد عن الوهابية لأنها ببساطة ليست مننا و لسنا منها.
الموضوع ملخبط شوية بس أنا قلت أنبهكم
هنقلع يا جدعان
إيجيبشان مان هيقلع و يبان كل حاجة عالشاشة
يا فضيحتك يا مسعود
Tuesday, January 05, 2010
برج دبي رهان على الآن و الآن فقط
رأيت الأخ عمرو أديب مدهوش من برج دبي و يتمنى أن يكون لدى مصر برج مثل دبي و عمارات و ناطحات سحاب كبيرة مثل نيويورك و لكن لنتكلم قليلاً عن الحقائق.
قل لي بالله عليك لديك أعلى برج في العالم و لديك أدنى مستوى تعليمي و بشر مخدرة بخدم و حشم و تطلعات لمستويات رفاهية و خلاص.
مهما كان أخلاق اهل الامارات فهم مثل اخوانهم في تطلعاتهم للفخامة و خلاص.
قل لي لديك مدينة على احدث طراز و صنعتها الآن و الآن فقط؟!
ماذا لو لديك مال الآن و لكنك تصرف منها على حياتك و ليس لديك إستثمار في البشر؟ مهما كان حجم المال سينفد بعد فترة و هكذا هي الدنيا.
الآن و الآن فقط......
لديك البترول و بعض المال و لديك أجانب يخدمونك بفلوسك كما تقول.
لكن ماذا عن الغد؟ سيذهب المال و البترول و يبقى الضياع كالعادة من الآف السنين .
إبنوا أبراج هي الأعلى في العالم و زيدوا إسرافكم و لكن حقيقية سيذهب كل ذاك و يبقى الحسرة
اوربا بنيت علي بيوت صغيرة ريفية بها بشر منتجون و يوجد لديهم كثير من البراح و الخضرة و منظر الزروع المختلفة.
لا أدري لماذا أختنق في المدينة ببشرها الراكبون فوق بعض و الزاعقون و المتفتفون في كل مكان.
ما هو عيب البيوت الجميلة حيث البراح و ان نبني من بيئتنا و بين بيوتنا يكون براح و خصوصية نبدع فيها و يكون لدينا مساحات للجمال.
خنقتونا بمدنكم البائسة و بعدم استثماركم في البشر
ضيعتونا ربنا يضيعكوا
مدنكم خانقة و مظلمة و باردة و ليس فيها حياة و لا ابداع
ابنوا لنا بيوتنا من خاماتنا و دعكم من الاسمنت و المسلح و القرف دة كله
نريد قرى من بيوت دور واحد او اتنين و مزارع و غابات و بها جامعات و مكتبات و اماكن للتنزه و نوادي و مسارح و سينمات و لكن ليس مولات ابوس ايديكوا
بس حاجات بسيطة ترجعنا بني آدمين،
و اخيراًاقول لحكام دبي و الخليج خاب مسعى من بنى في غير قومه أولاً.
Saturday, January 02, 2010
مع المنافقون مرة أخرى
في لقاء ألمعي مع المذيع و الأديب الكبير عماد أديب
و الذي حقيقة لا أدري لماذا دوماً تسبقه ألفاظ فخيمة؟
رغم تواضع آرائه و ضآلتها دوماً حتى ليخيل للمرء أن مصر عقمت عن إنجاب أدباء أو صحفيون عظماء حقيقة لا توهيماً ( كما في حالة عماد أديب).
عماد أديب يقول بمنتهى الجرأة و التعدي على التاريخ أن جمال مبارك هو إنسان رائع و فرصة ذهبية لنا و لكن عيبه الوحيد أنه إبن الرئيس!!؟
بماذا يرد البني آدم على هذا ال...... الطالع من المجاري مباشرة إلى وجه المشاهدين؟!
طب سؤال للأخ عماد أديب أفندي لو مش إبن الريس هل كان عمر أمه طلع في تليفزيون و لا حد حتى سمع عن اللي جابوه؟!
إحنا هنصيع على بعض ؟ و في الآخر بيقولك الناس بتتجاوز على النت في شتيمة جمال و حسني؟
ما هو يعني خفّوا علينا شوية ؟! يعني ما تستهبلوش قوي كدة و تقولوا بعد كدة ( غريبة الناس بتسبّلنا الدين لية؟).
برضة بالرّاحة على الخلق مش كدة الغباء.
و سبحان الله إن بعض البشر تستحق الوجوه التي تنالها كما يقول محمد المخزنجي.
بقى جمال مبارك عيبه الوحيد انه ابن الريس؟
أمال مميزاته إيه؟! هي فين مميزاته يا عم الحاج؟!
دا راجل بيطلع على التليفزيون بقاله خمس سنين و نيف و كل شوية يتكلم و أراهن بعمري لو حد بيفتكرله كلمة مميزة أو حتى بيفتكر حاجة في ملامحه؟!
سبحان الله ربنا كاتبله إنه زي الهواء. لا طعم و لا لون و لا رائحة . حاجة كدة زي فسية في الفضاء
و عشان نثبت الكلام
أخوه علاء أهو فيه العبر هو كمان طلع شتم شتمتين و عمّل فيها أمير الإنتقام الناس في ثانية قالتلك إية ده بني آدم بجد يا جدعان.
يعني أنا أقدر اقولك بمنتهى الجرأة ان الساعتين اللي علاء مبارك اتكلمهم على الهوا كانوا أبرك من خمس سنين بتوع جيمي.
و نهاية المطاف يقولك جمال متبني مشروع ألف قرية فقيرة هيطورهم ؟!!!!!!!!!!
سؤال برئ..... زي جيص في الصحراء.......
هو مين اللي فقرهم و شحورهم؟!
هو مين اللي خلى القاهرة عشوائية و حرامية و مهلبية؟!
هو مين اللي دمر بر مصر كله و خلى الناس خلاص هتاكل بعضها؟!
هو مين اللي دمرنا و ضيع احلامنا و في الآخر مش عاوز يعتقنا لوجه الله؟!
يا راجل دا الاحتلال الاجنبي كان عنده رحمة عن ولاد الكلب دول.
امن الانجليز كان ارحم من امن الدولة بتاعهم
و الذي حقيقة لا أدري لماذا دوماً تسبقه ألفاظ فخيمة؟
رغم تواضع آرائه و ضآلتها دوماً حتى ليخيل للمرء أن مصر عقمت عن إنجاب أدباء أو صحفيون عظماء حقيقة لا توهيماً ( كما في حالة عماد أديب).
عماد أديب يقول بمنتهى الجرأة و التعدي على التاريخ أن جمال مبارك هو إنسان رائع و فرصة ذهبية لنا و لكن عيبه الوحيد أنه إبن الرئيس!!؟
بماذا يرد البني آدم على هذا ال...... الطالع من المجاري مباشرة إلى وجه المشاهدين؟!
طب سؤال للأخ عماد أديب أفندي لو مش إبن الريس هل كان عمر أمه طلع في تليفزيون و لا حد حتى سمع عن اللي جابوه؟!
إحنا هنصيع على بعض ؟ و في الآخر بيقولك الناس بتتجاوز على النت في شتيمة جمال و حسني؟
ما هو يعني خفّوا علينا شوية ؟! يعني ما تستهبلوش قوي كدة و تقولوا بعد كدة ( غريبة الناس بتسبّلنا الدين لية؟).
برضة بالرّاحة على الخلق مش كدة الغباء.
و سبحان الله إن بعض البشر تستحق الوجوه التي تنالها كما يقول محمد المخزنجي.
بقى جمال مبارك عيبه الوحيد انه ابن الريس؟
أمال مميزاته إيه؟! هي فين مميزاته يا عم الحاج؟!
دا راجل بيطلع على التليفزيون بقاله خمس سنين و نيف و كل شوية يتكلم و أراهن بعمري لو حد بيفتكرله كلمة مميزة أو حتى بيفتكر حاجة في ملامحه؟!
سبحان الله ربنا كاتبله إنه زي الهواء. لا طعم و لا لون و لا رائحة . حاجة كدة زي فسية في الفضاء
و عشان نثبت الكلام
أخوه علاء أهو فيه العبر هو كمان طلع شتم شتمتين و عمّل فيها أمير الإنتقام الناس في ثانية قالتلك إية ده بني آدم بجد يا جدعان.
يعني أنا أقدر اقولك بمنتهى الجرأة ان الساعتين اللي علاء مبارك اتكلمهم على الهوا كانوا أبرك من خمس سنين بتوع جيمي.
و نهاية المطاف يقولك جمال متبني مشروع ألف قرية فقيرة هيطورهم ؟!!!!!!!!!!
سؤال برئ..... زي جيص في الصحراء.......
هو مين اللي فقرهم و شحورهم؟!
هو مين اللي خلى القاهرة عشوائية و حرامية و مهلبية؟!
هو مين اللي دمر بر مصر كله و خلى الناس خلاص هتاكل بعضها؟!
هو مين اللي دمرنا و ضيع احلامنا و في الآخر مش عاوز يعتقنا لوجه الله؟!
يا راجل دا الاحتلال الاجنبي كان عنده رحمة عن ولاد الكلب دول.
امن الانجليز كان ارحم من امن الدولة بتاعهم
Subscribe to:
Posts (Atom)