بص لعينيا يا رئيسنا

احنا نتيجتك يا ريس
احنا الفشلة و العواطلية صنيعتك و بيعايرونا بفشلنا
التخلف و الزحمة و الجرب اللي الناس فيه
دا اللي انتا زرعته
الرشوة و الفهلوة و التهليب بتوعك يا كبيرنا
ما كانش ليا كبير غيرك
ما علمتنيش غير اني افشل
و ابقى صايع و فهلوي
لية زعلان بقى دلوقتي انتا و غيرك?
ما انا طلعت على ما علمتوني
فهلوي
و نصاب
و باحط ديني كمظهر
حجاب لامي
و سكسوكة ليا
و سبحة صغيرة
لية زعلانين مني
? و من مصر
انا صنيعتكم يا عم
بص في عينيا قبل ما تموت يا رئيسنا
بص في عينيا قوي
انا اللي انتا عملته
بني ادم ضايع
هو دا ابنك
شكرا