كل ما الواحد يبص على قصة و لا يتفرج على فيلم من بتوع زمان تحس ان العصر بتاعنا بيض كدة٠
زمان الدكتور مثلا لو الكاتب فكر في شخصية طبيب يقولك الطبيب فلان ركب العربية و دخل المطعم الفاخر الفلاني و ذهب الي عيادته بعد ان علق المزة ام تلات بزاز٠
دلوقتي لما هيكتبوا على طبيب عهدنا الذهبي هيقولك و قام حمادة من النوم بعماصه و طش وشه بمية من الطشت ثم لهف بقسماطة و نزل عشان يجري ورا اتوبيس 776 بتاع شبرا النملة اللي هيوديه على معهد الاورام اللي شغال فيه و بعد كدة هيقفش شوية في القوضة الضلمة للمرضة ام علاء اللي بيدرب عليها كل الدكاترة العذارى الجداد٠
َدلوقتي الزمن بتاعنا فقر لية كدة الصيدلي بيتخرج بيضربوه بالشبشب في اي مكان شغل٠
كل المهن تحس انها زباله ما عدا الرئيس عليه السلام٠
و ابن الريس برضه عليه السلام يا اولاد الجزمة٠
زمان كان المدرس يسافر الخليج شوية و يرجع باني بيت و مروق العيال و مجوز الولية مراته واحد تاني و يرجع الخليج تاني٠
المهندس المعفن بتاع الايام دي كان بيروح اوروبا حتى كانوا ممكن يشغلوه في شغلانة مهندس بمرتب اد كدة و يرجع باشا٠
المزز كانت رايقه و كان فيه احلام ببكرة٠ و الناس كان في عندها أمل
الله يخرب بيتهم سرقوا الامل ما هو لو ينفع الواحد يلعب الجيم من الاول انا كنت جيت في الخمسينيات او التلاتينات مثلا٠
دلوقتي ارجع ازاي انا
حتى أحلام العيال بقت بيض و ممكن يفقس٠
واحد صاحبنا مش عارف يتجوز حلم حياته انه يتصور جنب الكسكوس ٠
واحدة تانية حلم حياتها تهرب من مصر على اي داهية٠
كل ما ابص على الاوربيين و احوالنا الاقي ان احنا فعلا عالم هفأ و بنضرب على قفانا٠
آه يابن الوسخة ياللي في بالي٠
No comments:
Post a Comment