ما كانش وقتك خالص٠
تلاقي المزة اللي طول عمرك بتحلم بيها دلوقتي؟
دة اية الوكسة دي٠!
بت فاهماك و كويسة
و مستواها كويس
......... و بعدين يعني؟
انتي فاكرة انها سهلة يعني بعد ما هاجرنا
و مشينا نرجع تاني٠
يا بنتي انا نفسيتي اتشلفطت من كتر التعاوير
و الجراح النفسية اللي لقيتها في حياتي٠
دا الواحد بقى معقد اكتر من فرويد٠
جيتي في وقت غلط و مكان غلط انا لا هارجع و لا هاعرف اجيبك٠
احنا الاتتين مشكلة اغريقية معقدة
و لا متاهات اللابيرنث٠
سيبيني في حالي و شوفي حالك انتي٠
حياتي لسة فيها مراحل و ناس لازم اشوفها
و تجاربي لسة ما كملتش٠
مش هاقولك كلام كبير ان انتي حب حياتي
و لا عارف اذا كنت باعرف احب اصلا
لكن ممكن اقولك اني لو قابلتك في اي يوم من حياتي مستقبلا
ممكن اكون كريم معاكي
كصديق عزيز
و دايما هافتكرك بالخير٠
معفن ٠٠٠٠
مش كدة ما انا قولت لك ما باعرفش احب حد٠
بس الحاجة الوحيدة اللي اشهد لك بيها انك بتهزري كويس و دمك خفيف٠٠٠
خلاص ما تكلمنيش تاني
يالا يا به من هنا
سلام بقى ٠
No comments:
Post a Comment