Tuesday, March 24, 2009

الدنيا اتغيرت

الواحد مولود في حتة شعبية يعني من الاخر الحتة اللي الناس منها عادية ما فيهاش بابي و مامي و مش عارف اية؟
كانت الناس معانا متوسطة الحال اغلبهم موظفين و مدرسين و مهندسين ممكن و في كمان دكاترة٠
دا غير بتوع الجيش و الشرطة و كانت الناس الى حد ما في شكل جمالي و حد ادنى لمستوى نضافة الشارع٠
و احنا صغيرين كنا بننضف ساعات الشارع و كنا بنزرع شجر فيه٠
اتنقلنا في هوجة الناس اللي نقلت و رحنا حتة تاتية احسن شوية زي ما بيقولوا٠
من كام يوم معدي على مرتع الطفولة و المكان الذي اتنيلنا و اتولدنا فيه٠
مش قادر اوصف كمية الزبالة اللي موجودة في كل مكان و الناس بقت عاملة ازاي؟
معقولة عشزين سنة الناس شكلها يحصله كدة٠
دا البلد لو اتضربت قنبلة نووية ما كانتش هتبقى شكلها كدة٠
و بعدين لية الناس تخلف و ترمي العيال عاملين زي البط الناس بتطلقهم الصبح و يرجعوا يلموهم بالليل٠
مش ممكن كدة حرام يا جدعان٠
لازم نشوف حل للناس دي و الا هيطلعوا يدمروا البلد٠
الله يخرب بيتك يا اللي في دماغي
٠

No comments: