Friday, March 20, 2009

المادة بين الشرق و الغرب

مش عارف بس تقدير الشرقي للمادة مش زي الغربي ابدا٠
الشرقي لو شحات و جربان و باتكلم على المصريين مثلا جوة مصر و الخليجيين جوة و برة بلادهم فيما عدا المعفنين اللي كدا كدا ولاد قحبة يعني٠
ايوة الشرقي ما بيخافش علي المادة زي الغربي ابدا٠
المصري العادي يعني تلاقي معاه خمسميت جنية هما كل اللي حيلته يجري يتفسح بيهم، معاه خمس ست الاف جنية يروح رحلة لتركيا٠
يعزم اصحابه و يتفسح عادي يصرف كل اللي حيلته عادي٠
لما كنت في مصر كل مرتبي كنت باقضيه فسح و كافيهات و مزز و سينمات٠
المصري يحب برضه الاعلانات ، كيفه اعلانات يديك مبيعات٠
الاوروبي بقى معفن او تحس متربيين في مجاعة بيحسسوا على الفلوس لتهرب٠
القرش اللي بييجي للاوروبي يبقي اتسجن للابد او اقرب الى ذلك سبيلا٠
الغني منهم ممكن بيصرف بس بحذر٠
عمر ما واحد اوروبي هيعزمك الا اذا وراك مصلحة او كنت صديق عزيز ابن عزيز يعني٠
ممكن في بيوتهم ماشي كرماء هما بس برة يا ويلك يا سواد ليلك٠
المزة الاوروبية لو حبتك ممكن تديك عينيها بس حتى لو معاها فلوس في حاجة كدة بتحسها انها خايفة من الزمن ما تفهمش حريصة ممكن؟
الاجنبية تعمل اكل على القد و المصرية بتحس انك وحش مفترس او مقدمين اكل لحمار٠
الاجنبي عموما خريص لحد البيض ممكن تكره نفسك في الاخر لو عشت معاهم في بيت واحد٠
ما اعرفش يمكن باخرف بس انا متربي في العز المصري و شفت الخير كتير في مصر و البركة في كل حاجة٠
نفسي ابقى مبذر تاني و معفن و كريم بس يالا بقى
٠

4 comments:

Anonymous said...

محمد حسن , مدونتك من اولها لاخرها قريتها , عجبتني جدا يا اناندا , ربنا يخرجك من الاكتئاب الي انت فيه

mohamed hassan said...

معلش ايها الغريب شكرا لك على المرور و نرجو منك ان تتابعنا كثيرا فنحن ايضا نستحق بعض الوقت
نصيحة خاصة و بكل ود
لابد لنا من اكل الفسيخ في وقت ما٠
و شكرا كثيرا على اهتمامكم باكتائبنا و لكن ماذا يقال الا ٠٠٠ ربنا يسهل٠

Anonymous said...

هههههههههههههههه طيب يا سيد
صحيح عندي سؤال لو عاوز تجاوب عليه جاوب , إنت خارج مصر ؟ إوعي تكون في الخليج

mohamed hassan said...

ايها الغريب القادم من وراء البحار صاحب هذا البلوج يسكن في بلاد المزز البيضاء حيث الهدوء و الرخاء و الناس كلهم بسطاء الا قلة حمقاء لكنه ليس بذلك كله سعيد لظروف بلده الاصلي الفريد٠
و اننا نسكن على حافة القارة السعيدة اوروبا اخت الفقرية افريقيا٠
و نرى من امامنا المحيط الذي يؤدي الي بلاد صاحب النبؤة الجديد٠
و ارحب بك ثانية ايها الغريب